library     Majmua     eDarslik     asofaviy ta`lim     Pedagog     Ota-onalarga     Kirish          

Bayram tabrigi!

30 sentabr 2014 yil, 6,902
.

Universitet rektorining 1 oktyabr - O`qituvchilar va murabbiylar kuni munosabati bilan tabrigi

Aziz hamkasblar, jamoadoshlar! Qadrli talabalar!

Dunyoda kasb-korlar, hunarlar ko‘p. Lekin ular orasida o‘z ahamiyati va sharaflilik darajasiga ko‘ra ajralib turuvchi yana bir olijanob kasb borki, u shubhasiz ustozlik, murabbiylikdir.

Bu mashaqqatli va mo‘‘tabar kasb egalari ertangi kun, kelajak egalari bo‘lmish yosh avlodga ta‘lim-tarbiya beradilar. Boshqacha qilib aytganda, xalqning, millatning ertasi ustozlar saboq bergan yosh avlodning tarbiyalanganlik va o‘qimishlilik darjasiga bog‘liq. Shu bois ustozning nomi, maqomi hamisha qadrlangan, baland tutilgan. Tarixda o‘chmas iz qoldirgan buyuk allomalarga ta‘lim-tarbiya bergan ustozlarining nomi ular bilan bir qatorda tilga olinishi bejiz emas. Zero ustoz va murabbiysiz insonning kamolotga erishuvi amrimaholdir.

Biz faoliyat ko‘rsatayotgan muqaddas dargoh respublikamizda o‘z o‘rni va nufuziga ega. Ushbu dargohdan mamlakatimiz ta‘lim-tarbiya sohasi, ma‘naviy va madaniy taraqqiyotiga sezilarli hissa qo‘shgan ko‘plab olimlar, pedagoglar yetishib chiqqan. Bugun universitetimizda xizmat qilayotgan har bir professor-o‘qituvchi mana shu haqiqatni teran anglagan, o‘z zimmasidagi mas‘uliyatni chuqur his qilgan holda faoliyat ko‘rsatmoqda, deb bemalol ayta olamiz. Ko‘p ming sonli jaomoamiz a‘zolari bir tan, bir jon bo‘lib mamlakatimiz taraqqiyotiga, yosh avlod ta‘lim-tarbiyasiga munosib hissa qo‘shmoqda. Bu o‘z navbatida, har birimizning qalbimizni cheksiz faxr va iftixor tuyg‘ulariga to‘ldiradi.

Bugun yurtimizda yosh avlodga ta‘lim-tarbiya berayotgan, kasb-hunar sirlarini o‘rgatayotgan ustozlarning zimmasidagi mas‘uliyat juda ulkan. Shiddat bilan rivojlanayotgan va axborot xurujlari ko‘paygan ayni zamonda kelajagimiz vorislarini barkamol va o‘z mustaqil fikriga ega yuksak intellektual salohiyatli kadrlar sifatida tarbiyalash, ularda milliy g‘urur va iftixor tuyg‘ularini shakllantirish bosh vazifamizdir. Universitetimizning ahil jamoasi mana shu ezgu maqsad atrofida jipslashib, qo‘lni-qo‘lga berib mehnat qilmoqda.

Yosh avlodni kamolot sari yo‘llashdek mashaqqatli hamda sharafli vazifangizni a‘lo darajada uddalashda barchangizga kuch-g‘ayrat va omad yor bo‘lishini tilayman. Yurtimizdan, oilamizdan qut-baraka arimasin.

Shavkat Sharipov, Universitet rektori

30 sentabr 2014 yil, O`qilgan :6902



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar

        

Manbalar