Foydali manbalar













OTM web-reytingi

Quvnoqlar va zukkolar ko’rik-tanlovi

Talaba-yoshlarning darsdan keyingi faoliyatlarini mazmunli, samarali, bir maqsad sari olib borishda, ularni turli tanlovlarda, intellektual klublarda, turli xil to’garaklarda jalb qilish, talabalarni o’z ustida ishlashni, mustaqil fikrlay olishni, muloqot qilishni, aqliy salohiyatlarini oshirishni, sahnadagi aktyorlik, aktrisalik madaniyatini shakllantirishlari uchun fakultetlarda tizimli va uzluksiz ta’lim tizimini olib borsagina universitetning, fakultetning reytingi oshishiga zamin yaratadi.






Har bir oliy ta’lim tizimida talaba-yoshlarga ta’lim-tarbiya berish bilan birga ularni qiziqishlari, intilishlari, xohish-istaklariga qarab barcha shart-sharoitlarni yaratish, keng imkoniyatlar ochib berish, iste’dodli, iqtidorli talabalarni izlash, ularni rag’batlantirish va qo’llab-quvvatlash har bir ta’lim dargohida faoliyat olib borilayotgan faol jamoatchi, tashkilotchi o’qituvchilarning vazifalaridan deb bilaman.

Bir necha yillardan buyon fakultetning barcha kurslari o’rtasida an’anaviy o’tkazilib kelinayotgan “Quvnoqlar va zukkolar” ko’rik-tanlovi ham talabalar hayotida o’z o’rni va ahamiyatiga egadir. “Quvnoqlar va zukkolar” ko’rik-tanlovini tashkil etishimizdan asosiy maqsad:

- fakultet talaba-yoshlarni ma’naviy saviyasini yuksaltirish, ularni har xil zararli oqimlardan saqlash immunitetini shakllantirish, ularni milliy g’oya va mafkura ruhida tarbiyalashga qaratilgan dasturlar tayyorlash va ushbu dasturlarni talaba-yoshlar o’rtasida keng targ’ib qilish;

- talaba-yoshlarning darsdan keyingi bo’sh vaqtlarini ko’ngilli o’tkazishlari, maroqli dam olishlari uchun ularni Vatanga sadoqatli, vatanparvarlik ruhida tarbiyalashga hissa qo’shishdan iboratdir.

“Quvnoqlar va zukkolar” ko’rik-tanlovining 2017 yilgi mavsumi ham o’z faoliyatini allaqachon boshlagan. Ko’rik-tanlovning ilk soni 2017 yil 22-oktabrda universitetning anjumanlar zalida o’tkazildi. Ilk o’yinda fakultetning 202-guruhning “PARVOZ” jamoasi hamda 204-guruhning “OMADLI TALABALAR” jamoalari 4 shart asosida o’z iqtidorlarini, iste’dodlarini namoyish etdilar. Jumladan, 1-shart – “Tashrif”, 2-shart – “Talaba bir kuni...”, 3-shart – Boshlovchi savollariga javob, 4-shart – “Mashhurlar – talabalar nigohida” deb nomlanuvchi shartlar bo’yicha jamoalar bir-biridan qiziqarli, ko’ngilochar chiqishlarini namoyish etishdi. Jamoalarni 5 ballik asosida baholash uchun 3 nafar hakamlar hay’ati jamoasi ham tuzildi. Jismoniy tarbiya instituti “Chet tillar” kafedrasi dotsenti Sh.Raximova, D.Ro`ziyeva jamoalarni baholab borishdi. Ko’rik-tanlovning yakuniy ballarini e’lon qilish va shartlar bo’yicha izohlarni bildirish uchun Axmedova Hulkar o’z fikr-mulohazalarini bildirishdi. “OMADLI TALABALAR” jamoasi – 42 ball to’pladi. “PARVOZ” jamoasi – 49 ball to’plab final yo’llanmasini qo’lga kiritdi.

10 oktyabr 2017 yil, 9,376
Yuldasheva D.


Bizning loyihalar



            
©2018 Toshkent Davlat pedagogika universiteti . Saytdagi ma'lumotlardan foydalanilganda saytga ilova ko`rsating. Xato topsangiz e-mail:siteadmin@tdpu.uz xabar bering (4)