Library.tdpu.uz   Elektron majmua   eDarslik.tdpu.uz   asofaviy ta`lim   Pedagog   Kirish      



TOSHKENT DAVLAT
PEDAGOGIKA UNIVERSITETI

“Камолот кубоги” соҳиби Физика – математика факультети.

Баҳорнинг илк кунларида “Камолот” ЁИҲ БТ томонидан университет миқёсида ҳамманинг севимли спорт турига айланган ва бугунги кунда “Миллионлар ўйини” деб ном олган спортнинг футбол тури бўйича “Камолот кубоги”га старт берилди.

Баҳор – ёшариш ва янгиланиш фасли эканлиги барчамизга маълум. Баҳор келиши билан байрамлар, ҳашарлар, сайллар бирин – кетин саф тортишади. Истиқлолимизнинг йигирма тўртинчи баҳори қадам қўйиши биланоқ юртимизда бўлгани каби университетда ҳам байрам-у шодиёналар ва спорт ўйинлари бошланиб кетди.

Ушбу турнирда 12 та жамоа қатнашиш истагини билдирди ва жамоалар икки гуруҳдан жой олишди.

А-гуруҳ: Бу гуруҳдан Бошланғич таълим ва жисмоний маданият, Чақириққача харбий таълим, Физика-математика, Касб таълими, Чет тиллари, Дефектология факультетлари;

Б-гуруҳ: Бу гуруҳдан эса Тарих, Ўзбек тили ва адабиёти, Табиёт фанлари , Педагогика ва психология, Санъат факультетлари ва Магистратура бўлими жамоалари жой олишди.

Университетимиз ҳовлисида жойлашган кўркам сунъий қопламали футбол майдонида 1-тур ўйинлари 2-март куни старт олди ва бу ўйинларни Бошланғич таълим ва жисмоний маданият ҳамда Чақириққача харбий таълим факультети жамоалари иштирокидаги муросасиз ўйин бошлаб берди. Жуда қизиқарли кечган баҳсда ЧХТ факультети жамоасининг қўли баланд келди (0:2). Сўнгра бирин- кетин бошқа жамоалар ҳам тур ўйинларини ўтказиша бошлашди. 7-март кунига қадар қизиқарли кечган тур учрашувлари ярим финал иштирокчиларини аниқлаб берди. Турнир ярим финалига гуруҳ учрашувларида ҳар томонлама маҳорат кўрсата олган, ёрқин ўйин кўрсатиб мухлислар меҳрини қозонган ва кўпчилик тахмин қилган ЧҲТ, Физика-математика, Тарих ҳамда Педагогика ва психология факультети жамоалари йўл олишди.

Ярим финал ўйинида Тарих факультети қийин кечган ўйинда ЧХТ жамоасини мағлуб этиб финалга йўлланма олган бўлса, бундан фарқли равишда иккинчи финал йўлланмаси учун кечган баҳсда Физика-математика факультети жамоаси Педагогика ва психология факультети жамоасини осонлик билан йирик ҳисобда (4:1) мағлуб этиб финалга йўлланма олишди.

13-март куни совринли ўринлар учун ўйинлар бошланди. 3-ўрин учун кечган баҳсда ЧХТ жамоаси Педагогика ва психология факультети жамоасини мағлуб этиб (2:1), 3-ўринни эгаллашди. Сўнгра ҳамма ҳаяжон билан кутаётган финалга навбат етиб келди. Финал ўйинида ўтган йилги “Камолот кубоги” соҳиби Тарих ва Физика-математика факультети жамоаси иштирок этишди. Футбол майдони ҳар иккала жамоа мухлислари ва футбол ўйинидан завқ олувчи мухлислар билан тўлган. Ўйинга қизиқиш жудаям ката. Ўйинга старт берилди ва жамоалар муросасиз курашга киришишди. Буни биринчи бўлимда бир қанча вазиятлар бўлишига қарамай дарвозалар дахлсиз қолганидан ҳам билиб олиш мумкин. Биринчи бўлимда хар иккала жамоа эҳтиёткор, лекин кучли ўйин кўрсатишди. Иккинчи бўлим ҳам кетма-кет хужумлар билан бошланди ва аксарият ҳолларда Физика-математика жамоаси ҳимоя қўрғони ва дарвозабон ишончли ҳаракат қилишди. Ва ниҳоят бўлим ўрталарига келиб Физика-математика жамоаси ҳисобни очишди(1:0). Киритилган голга биринчи бўлимда майдонда чиройли ўйин кўрсатиб (кичик жароҳат олишга ҳам улгурган) ҳаммадан кўп меҳнат қилган Бобомуродов Алишер муаллифлик қилди. Шундан сўнг ўйин даражаси ва хужумлар сони янада ошган бўлсада дарвозаларга бошқа тўп киритилмади ва бутун турнир давомида ажойиб ўйин кўрсатган ҳамда бирор маротаба мағлубиятга учрамаган Физика-математика факультети “Камолот кубоги” соҳибига айланди.

Бу ғалаба билан Физика-математика факультети жамоасини табриклаймиз ва зафарлар доимий бўлишини тилаймиз.

17 mart 2015 yil, O`qilgan:4873

Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


  • Pedagogikadan savol

    «Inson kamolotida uch narsa – irsiyat, muhit, tarbiya muhim rol o`ynaydi» degan fikrlar muallifi kim? A) Forobiy;.

    Javob: Ibn Sino

So`nggi yangiliklar

Foydali manbalar




Рейтинг ВУЗов