Foydali manbalar













OTM web-reytingi

Botanika kafedrasi

Botanika kafedrasi 1935-yilda tashkil etilgan bo‘lib, 1941-yilgacha bo‘lgan davrda dotsent A.U.Raximov rahbarlik qilgan va kafedrada professor S.N.Qudryashov, dotsentlardan R.M.Sumnevich, X.X.Enileev, S.Yu.Yo‘ldoshev, G.K.Shamsuddinov va Z.Latipovlar xizmat qilishgan.






“BOTANIKA” KAFEDRASINING

TARIXI

“Botanika” kafedrasi 1935-yilda tashkil etilgan bo‘lib, 1941-yilgacha bo‘lgan davrda dotsent A.U.Raximov rahbarlik qilgan va kafedrada professor S.N.Qudryashov. dotsentlardan R.M.Sumnevich, X.X.Enileev, S.Yu.Yo‘ldoshev, G.K.Shamsuddinov va Z.Latipovlar xizmat qilishgan.

1943-1944 yillarda kafedraga dotsent Q.Z.Zokirov rahbarlik qilgan.

1952-yili K.Z.Zokirov O‘zFA sining “Botanika” institutiga direktor qilib tayinlanishi munosabati bilan kafedraga rahbarlik qilish biologiya fanlari nomzodi, dotsent A.L.Umarovaga topshirildi.

“Botanika” kafedrasiga 1960-yildan boshlab dos. S.M.Xudoyqulov, so‘ngra A.Hamidovlar rahbarlik qila boshladilar.

1988-1990 yillardan boshlab kafedra “Botanika va tabiatni muhofaza qilish” deb nomlana boshlandi. Bu davrda ham kafedra mudiri, dos. A.Hamidov rahbarligida o‘quv-tarbiyaviy va ilmiy-metodik ishlar saviyasini oshirishga qaratilgan muhim tadbirlar amalga oshirildi. Kafedra yildan yilga kengaya bordi. Kafedrada prof. A.Ergashov, dotsentlar A.S.To‘xtayev, M.I.Ibragimov, M.Inog‘omova, R.I.Toshmuxammedov, katta o‘qituvchi va assisentlardan G.Tursunboeva, Sh.Komilova, keyinchalik Sh.Saidmurodovlar samarali xizmat qila boshladilar.

1990-1995 yili kafedra mudiri, prof. A.X.Xamidovning nafaqaga chiqish munosabati bilan kafedraga rahbarlik prof. A.Zikiryaevga topshirildi.

1998-yilda esa “Botanika va tabiatni muxofaza qilish” kafedrasi bazasida “Biologiya va uni o‘qitish metodikasi” kafedrasi tashkil etildi.

2000-yil noyabr oyida “Biologiya va uni o‘qitish metodikasi” kafedrasi qayta tiklanishi hisobiga “Botanika, zoologiya va ekologiya” kafedrasi tashkil etiladi. Kafedraga prof.S.Dadaev rahbarlik qildi.

2003-yil sentyabr oyida fakultet kafedralari qayta ko‘rib chiqilishi natijasida “Botanika va hujayra biologiyasi” kafedrasi tashkil etildi.

2010-yilda kafedra tarkibiga “Agropedagogika, ekologiya va uni o‘qitish metodikasi” kafedrasi qo‘shilib, “Botanika, ekologiya va xujayra biologiyasi” kafedrasi deb o‘zgartirildi. 2013 yildan kafedra “Botanika” nomi bilan faoliyat yuritib kelmoqda. 2010 yildan hozirga qadar kafedraga b.f.n., dotsent G.S.Tursinbaeva rahbarlik qilib kelmoqda.

Kafedrada hozirgi kunda “Botanika, “Biologik kimyo va molekulyar biologiya”, “Molekulyar biologiya”, “Rivojlanish biologiyasi”, “Mikrobiologiya va biotexnologiya”, “Qishloq xo‘jaligining biologik asoslari”, “Fitotsenologiya”, “Ekologiya va tabiatni muhofaza qilish”, “Biologiya”, “Biogeografiya” “Noyob va yo‘qolib borayotgan o‘simlik va hayvonlar”, “O‘simlikshunoslik” kabi fanlar bo‘yicha malakali mutaxassis-pedagoglar: professorlar P.Mirxamidova, Sh.Avazov, dotsentlar G.R.Tursinbaeva, O‘.Xo‘janazarov, N.Xonxadjayeva, katta o‘qituvchilar M.Isabekova, Sh.Yakubjonova va o‘qituvchilar M.Boboxonova, J.Sadinov, V.Butnik, S.Abdurizayevalar ishlamoqdalar.

Botanika sohasida olib borilgan ilmiy ishlar asosan o‘simlik biologiyasi, ekologiyasi, morfologiyasi va ba’zi bir o‘simliklarning madaniylashtirish masalalarini xal etishga, foydali o‘simliklar resurslarini o‘rganishga qaratilgan.

Dotsent G.S.Tursunbaeva o‘zining ko‘p yillik ilmiy pedagogik faoliyati natijasida darsliklar, monografiya, o‘quv qo‘llanmalar, dasturlar tayyorlagan. Dotsent G.Tursunbaeva keyingi yillarda “Mikrobiologiya va biotexnologiya asoslari” darsligi, “Botanika asoslari” o‘quv qo‘llanmasi, “O‘simliklar anatomiyasi va morfologiyasi” darsligi hammualliflikda, “Biologiya” o‘quv qo‘llanmasi hammualliflikda “Qizilqum efemerlari” monografiyasi, 70 dan ortiq ilmiy maqolalar nashrdan chiqarilgan. “Tuban o‘simliklar sistematikasi”, “Yuksak o‘simliklar sistematikasi”, “Mikrobiologiya”, “Ekologiya”, “Sporali yuksak o‘simliklar”, “Dala amaliyoti” kabi elektron darsliklari yaratilgan. Fakultet o‘quv tarbiyaviy ishlarida faol qatnashib, yuqori malakali kadrlar tayyorlashda o‘z xissasini qo‘shib kelmoqda.

Professor P. Mirxamidova kafedrada ilmiy-metodik, o‘quv qo‘llanmalar dasturlar yaratish borasida ham ko‘pgina samarali ishlar olib bordi. 2001 yil A.Zikiryaev bilan hammualliflikda “O‘simliklar biokimyosi” amaliy mashg‘ulotlar, 2002 yil A.Zikiryaev bilan hammualiflikda “Biokimyo” amaliy mashg‘ulotlar, nomli o‘quv-qo‘llanmalar, 2009 yil “Biokimyo” 2013 yil A.Zikiryayev bilan hammualiflikda “Biologik kimyo va molekulyar biologiya 1-qism”, 2014 yil xammualliflikda “Mikrobiologiya va biotexnologiya asoslari”, 2015 yil M.Valixonov bilan xammualliflikda “Biologik kimyo va molekulyar biologiya 2-qism”, 2015 yil Qozixiston Oliy ta’lim muassasasi bilan xamkorlikda “Biologik kimyo”, 2016 yil xammualliflikda “Biologik kimyo”, 2018 yil D.Boboxonova bilan xammualliflikda “Biologik kimyo” nomli darsliklari chop etildi. Shu bilan birgalikda “Pestitsidlarning biologik membranalarga ta’siri” mavzusida ilmiy ish olib bormoqda. 200 dan ortiq ilmiy maqolalar o‘quv-metodik qo‘llanmalar nashr ettirgan. Nashr etilgan ilmiy ishlari uchun 5 ta patent olgan.

Dotsent O‘.E. Xo‘janazarovning ko‘p yillik mehnati natijasida “O‘simlikshunoslik: G‘o‘za biologiyasi va paxtachilik” (2008), “Dehqonchilikdan laboratoriya mashg‘ulotlari” (2009) va “Ekologiya va barqaror taraqqiyot ta’limi” (2014) kabi o‘quv qo‘llanmalari, “Ekologiya va tabiatni muhofaza qilish” (2016) darsligi yaratilgan. U “Ekologiya va tabiatni muhofaza qilish”, “Qishloq xo‘jaligining biologik asoslari” kabi fanlardan ma’ruza, laboratoriya va amaliy mashg‘ulotlar o‘tkazib kelmoqda. O‘.E.Xo‘janazarov 60 dan ortiq ilmiy ishlar muallifi. 20 dan ortiq ilmiy maqolalari xorijiy nashrlarda chop etilgan.

Dotsent O‘.E.Xo‘janazarov O‘zMU pedagog kadrlarni qayta tayyorlash va ularning malakasini oshirish tarmoq (mintaqaviy) markazida “Ekologiyada AKT ning qo‘llanilishi”, “Ekologiyada tizimli tahlil”, “Biologiyada tizimli tahlil” kabi fanlardan ma’ruza va amaliy mashg‘ulotlar olib bormoqda.

Dotsent N.B.Xonxadjaeva “Ekologiya va tabiatni muhofaza qilish”, “Qishloq xo‘jaligining biologik asoslari”, “Fitotsenologiya”, “Biologiya” fanidan rus guruhlarda mashg‘ulotlar olib boradi. “Ispolzovanie sinteticheskix analogov polovыx feramonov pri feromonitoringe” mavzusida ilmiy tadqiqot ishlarini bajarmoqda. Mehnat faoliyati davomida “Agroekologiya”, “O‘simliklarni ximoya qilish”(xammualliflikda T.Narbabayeva), “Biologik xilmaxillik” (xammualliflikda G.S.Tursinbayeva) o‘quv qo‘llanma, “Ekologiya i oxrana prirodы”, “Biologiya” nomli elektron darsliklari muallifi. N.B.Xonxodjaeva 40 dan ortiq ilmiy ishlar muallifi. 10 dan ortiq ilmiy maqolalari xorijiy nashrlarda chop etilgan. Kitob uchun patent olgan.

Kafedraning o‘quv –pedagogik, ilmiy-metodik ishlarini tashkil etishda katta o‘qituvchilardan M.Isabekova, Sh. Yakubjonova va o‘qituvchilar D.Boboxonova, J.Sadinov, V. Butnik, S. Abdurizaevalarning xizmati katta.

Katta o‘qituvchi M.A.Isabekova o‘z mutaxassisligi bo‘yicha “O‘simliklar fiziologiyasi”, “Mikrobiologiya va biotexnologiya asoslari”, “Biologiya”, “Qishloq xo‘jaligining biologik asoslari” fanlaridan talabalarga dars o‘tib kelmoqda.

M.A.Isabekova o‘zining ilmiy –pedagogik faoliyati davomida jami 17 taga yaqin ilmiy ishlar, shu jumladan, 2 o‘quv qo‘llanma “Radiobiologiya”, “Biologiyadan amaliy mashg‘ulotlar”, 40 ta ilmiy maqola 15 ta xorijiy, 25 ta respublika nashrlarida chop ettirgan. Shu bilan birga 2 ta patent ijrochisi hisoblanadi.

Katta o‘qituvchi Sh.T.Yakubjanova “Ekologiya va tabiatni muhofaza qilish” fani bo‘yicha mutaxassis, ekologiya fanlaridan ma’ruza va amaliy mashg‘ulotlar olib boradi. Ilmiy –pedagogik faoliyati davomida jami 40 ga yaqin ilmiy ishlar (4 ta o‘quv qo‘llanma va 30 dan ortiq maqolalarga mualliflik qilgan). Jumladan, “Umumiy ekologiyadan laboratoriya mashg‘ulotlari” (2005), “Ekologiya o‘qitish metodikasi” (2009), “Ekologiya va tabiatni muhofaza qilish fanidan laboratoriya va amaliy mashg‘ulotlari” (2016) o‘quv qo‘llanma va “Ekologiya va tabiatni muhofaza qilish” uslubiy qo‘llanmalar muallifi.

“Agroturizm va uning tabiiy geografik jihatlari” mavzusida ilmiy izlanish olib bormoqda.

O‘qituvchi J.S.Sadinov “Botanika”, “Rivojlanish biologiyasi”, “Noyob, yo‘qolib borayotgan o‘simliklar”, “Biologiya”, kabi fanlardan laboratoriya va amaliy mashg‘ulotlar o‘tkazib kelmoqda. “Phlomis L. turkumi turlarining morfo-biologik va ekologik xususiyatlari” mavzusida ilmiy tadqiqot ishlarini bajarmoqda. Mehnat faoliyati davomida hammualiflikda “Botanika (o‘simliklar anatomiyasi va morfologiyasi)” darsligi, “Biologiya” o‘quv qo‘llanmasi tayyorlandi. 25 yaqin ilmiy maqola va tezislari xorijiy va respublika ilmiy jurnallarida va ilmiy anjumanlarning materiallarida nashrdan chiqargan.

O‘qituvchi D.B.Boboxonova “Botanika”, “Rivojlanish biologiyasi”, “Noyob, yo‘qolib borayotgan o‘simliklar”, “Biologiya”, “Ekologiya va tabiatni muhofaza qilish” kabi fanlardan laboratoriya va amaliy mashg‘ulotlar o‘tkazib kelmoqda. “Vыdelenie, ochistka i xarakteristika BAS s biokontrolnыmi svoystvami” mavzusida ilmiy tadqiqot ishlarini bajarmoqda. Mehnat faoliyati davomida 30 yaqin ilmiy maqola va tezislari xorijiy va respublika ilmiy jurnallarida va ilmiy anjumanlarning materiallarida nashrdan chiqargan.

O‘qituvchi V.A.Butnik “Ekologiya va tabiatni muhofaza qilish” fanidan rus guruhlarda mashg‘ulotlar olib boradi. “Sovremennaya ekologicheskaya sostoyanie urbanizirovannoy sredы na primere megopolisa (g.Tashkent)” mavzusida ilmiy tadqiqot ishlarini bajarmoqda. Mehnat faoliyati davomida 30 yaqin ilmiy maqola va tezislari xorijiy va respublika ilmiy jurnallarida va ilmiy anjumanlarning materiallarida nashrdan chiqargan.

O‘qituvchi S.R.Abdurizayeva “Mikrobiologiya va biotexnologiya”, “Rivojlanish biologiyasi”, “Ekologiya va tabiatni muhofaza qilish” kabi fanlardan laboratoriya va amaliy mashg‘ulotlar o‘tkazib kelmoqda.

Mehnat faoliyati davomida 10 yaqin ilmiy maqola va tezislari xorijiy va respublika ilmiy jurnallarida va ilmiy anjumanlarning materiallarida nashrdan chiqargan.

“Botanika” kafedrasi O‘zRFA qoshidagi ilmiy tekshirish institutlari bilan malakali kadrlar tayyorlashda, ilmiy ishlar olib borishda hamkorlik qilmoqda. Mutaxassislikka oid akademik-litsey, kollejlar bilan uzviy aloqada bo‘lib ularga metodik ko‘rsatmalar, ilmiy muammolarni hal etishda har tomonlama yordam berib kelinmoqda. Kafedra professor-o‘qituvchilari guruhlarda talabalar bilan olib boriladigan o‘quv tarbiyaviy ishlarini saviyasini oshirishga qaratilgan tadbirlarni amalga oshirishga ham o‘z xissalarini qo‘shib kelmoqda.

“Botanika” kafedrasi professor-o‘qituvchilari hozirgi kunda “Botanika” darsligi, “Biologiya” o‘quv qo‘llanmasi, “Ekologiya va tabiatni muhofaza qilish” darslik va o‘quv qo‘llanmalari, “Qizilqum efemerlari” monografiyasi nashrdan chiqarishdi. Chet el nufuzli jurnallarida maqolalari chiqarildi.

Kafedra dotsent O‘.E.Xo‘janazarov rahbarligida “Biologiya o‘qitish metodikasi” ta’lim yo‘nalishi talabasi K.K.Gulmirzayeva 2017 yil Qarshi shahrida bo‘lib o‘tgan Oliy ta’lim muassasalari talabalari o‘rtasida Biologiya (mutaxassislik) fanidan o‘tkazilgan Respublika fan olimpiadasida faol qatnashib, faxirli 2-o‘rinn egalladi.

8 yanvar 2018 yil, 15,797
Yuldasheva D.

“Xumson” о‘quv – dala bazasida hashar o`tkazildi

17 aprel 2018 yil

2018 yil 4 aprel kuni “Xumson” о‘quv – dala bazasida obodonlashtirish maqsadida hashar uyushtirildi. Tabiiy fanlar fakulteti professor-о‘qituvchilaridan prof. P.Mirxamidova, dots. О‘.E.Xо‘janazarov va doktorant A.Matnazarovlar tomonidan kо‘chat ekish tashkillashtirildi.


Bizning loyihalar



            
©2018 Toshkent Davlat pedagogika universiteti . Saytdagi ma'lumotlardan foydalanilganda saytga ilova ko`rsating. Xato topsangiz e-mail:siteadmin@tdpu.uz xabar bering (4)