XTQTXMOM | Ilmiy kutubxona | eDarslik | Masofaviy ta`lim | Pedagog | Ota-onalarga | Kirish          

Toshkent davlat pedagogika universiteti Ilmiy-texnik kengashi

O‘ZBEKISTON RESPUBLIKASI

OLIY VA O‘RTA MAXSUS TA’LIM VAZIRLIGI

 

 

NIZOMIY NOMIDAGI

TOShKENT DAVLAT PEDAGOGIKA UNIVERSITETI

                                                                                           

 

 

                                                                                            

 

 

 

                                                                                           «Tasdiqlayman»

                                                                                           Universitet rektori 

                                                                              ____________ Sh.Sharipov

                                                                             «___»_______2014 y.

 

 

 

 

 

 

 

 

 

Ilmiy-texnik kengash

 

NIZOMI

 

 

 

 

 

 

 

 

 

 

 

 

 

 

 

 

 

 

Toshkent 2014

Toshkent davlat pedagogika universiteti Ilmiy-texnik  kengash Nizomi

I. Umumiy qoidalar

 

  1. Ilmiy texnik kengash (bundan keyin ITK) universitetda ilmiy-tadqiqotlar jarayoni va innovatsion faoliyatni muvofiqlashtirib turadigan, doimiy faoliyat ko‘rsatuvchi universitet tarkibiy tuzilmasi hisoblanadi.
  2. ITK  O‘zbekiston Respublikasining "Ta’lim to‘g‘risida", "Kadrlar tayyorlash milliy dasturi to‘g‘risida"gi Qonunlari, O‘zbekiston Respublikasi Prezidentining 2011 yil 20 maydagi  “Oliy ta’lim muassasalarining moddiy-texnik bazasini  mustahkamlash va yuqori  malakali mutaxassislar tayyorlash sifatini tubdan yaxshilash chora-tadbirlari to‘g‘risida”gi  PQ - 1533 sonli, 2012 yil 28 maydagi “Malakali pedagog kadrlar tayyorlash hamda o‘rta maxsus, kasb-hunar ta’limi muassasalarini shunday kadrlar bilan ta’minlash tizimini yanada takomillashtirishga oid chora-tadbirlar to‘g‘risida”gi PQ-1761-sonli 2012 yil 10 dekabrdagi “Chet tillarni o‘rganish tizimini yanada takomillashtirish chora-tadbirlari to‘g‘risida”gi PQ-1875-sonli Qarorlari, O‘zbekiston Respublikasi Vazirlar Mahkamasining 2012 yil 28 dekabrdagi “Oliy o‘quv yurtidan keyingi ta’lim hamda oliy malakali kadrlarni attestatsiyadan o‘tkazish tizimini takomillashtirish chora-tadbirlari to‘g‘risida”gi 365-sonli, 2012 yil 29 dekabrdagi “Respublika oliy ta’lim muassasalari reytingini baholash tizimini joriy etish to‘g‘risida”gi 371-sonli Qarorlari, Oliy va o‘rta maxsus ta’lim vazirligining buyruqlari, Fan va texnologiyalarni rivojlantirishni muvofiqlashtirish qo‘mitasi hamda Oliy attestatsiya komissiyasi nizomlari  hamda ushbu tartib asosida faoliyat yuritadi.
  3. ITK universitet professor-o‘qituvchilarini respublika va jahon miqyosida fan va ta’lim taraqqiyotiga hissa qo‘shadigan ilmiy-tadqiqotlarga jalb etish, universitetda olib borilayotgan ilmiy-tadqiqotlarni muvofiqlashtirish, ilmiy tadqiqot doirasida olingan salmoqli natijalarni ta’lim tizimiga joriy etish,  davlat ilmiy-texnik dasturlar doirasida bajarilayotgan loyihalar faoliyati monitoringini olib borish, ilmiy anjumanlarni yuqori saviyada o‘tkazish, doktorlik dissertatsiyalari mavzularini shakllantirish va ularning respublikada olib borilayotgan ilmiy tadqiqotlarning ustuvor yo‘nalishlarga mosligini muvofiqlashtirish, fan, ta’lim va ishlab chiqarish integratsiyasiga erishishga xizmat qiladi.
  4. ITKga fan sohasi bo‘yicha ilmiy maktab yaratgan, so‘nggi yillarda izchil ravishda ilmiy va ilmiy pedagogik kadrlar tayyorlashda salmoqli natijalarga erishgan professor-o‘qituvchilar, universitet bo‘limlari mas’ul xodimlari, hamkor tashkilot vakillari, katta ilmiy xodim-izlanuvchilar, innovatsion-korporativ guruhlar hamda uniersitetda bajarilayotgan loyihalar vaqtinchalik mehnat jamoalari ijrochilari a’zo bo‘lishi mumkin. Ilmiy ishlar bo‘yicha prorektor ITK kengashi raisi hisoblanadi. ITK a’zolari orasidan kengash kotibi tayinlanadi.
  5. Ilmiy-texnik kengash jamoatchilik asosida ilmiy ishlar prorektori huzurida faoliyat ko‘rsatadi.
  6. Ilmiy-texnik kengash raisi universitet kengashida har o‘quv yilida kamida bir marta hisobot beradi.

 

II. Kengashning maqsad va vazifalari

ITKning asosiy maqsadi universitetning ilmiy-tadqiqotlar faoliyatini tashkil etish, boshqarish, muvofiqlashtirish va monitoringini olib borishdan iborat.

ITKning vazifalari:

  • universitetda ilmiy tadqiqotlar faoliyatining istiqbolli ustuvor yo‘nalishlarini belgilash;
  • kafedra va fakultetlarda olib borilayotgan ilmiy-tadqiqot ishlarini muvofiqlashtirish, boshqarish va professor-o‘qituvchilarning ilmiy ishlarining mazmuni yuzasidan uslubiy tavsiyalar tayyorlash;
  • kafedra va fakultetlarning O‘zbekiston Respublikasi Fanlar Akademiyasi tarmoq institutlari, oliy o‘quv yurtlari, akademik litsey va kasb - hunar kollejlari bilan ilmiy hamkorligini tashkil etish, muvofiqlashtirish va boshqarish;
  • O‘zbekiston Respublikasi Oliy attestatsiya komissiyasiga dotsent, professor ilmiy unovoniga tavsiya etilgan nomzodlarning  “Ilmiy darajalar berish to‘g‘risidagi” Nizomga muvofiqligini aniqlash, nomzodlarning ishlarini ekspertizadan o‘tkazish;
  • an’anaviy ravishda o‘tkaziladigan talabalarning Respublika fan olimpiadalarini yuqori saviyada tashkil etish uchun tashkiliy qo‘mita tuzish, uning rejasini ishlab chikish va mas’ullarni belgilash;
  • katta ilmiy xodim izlanuvchilarning doktorlik dissertatsiyasi mavzularini tahlil qilish, universitet kengashiga tasdiqlash uchun tavsiya etish, ularni attestatsiyadan o‘tkazish;
  • universitetda xalkaro va respublika miqyosda o‘tkaziladigan barcha konferensiyalar, anjumanlarni tashkil etishga mutassadi shaxslar faoliyatini muvofiqlashtirish;
  • universitetdagi ilmiy nashrlar faoliyatini muvofiklashtirish;
  • ta’lim tizimiga axborot-kommunikatsiya texnologiyalarining  joriy etilishini, professor-o‘qituvchilarning xorijiy tillarda ilmiy asarlar yaratishlarini qo‘llab-quvvatlash;
  • universitet professor-o‘qituvchilarini  fundamental, amaliy, innovatsion tadqiqotlar olib borishga yo‘naltirish, loyihalar tayyorlash va mavjud loyihalarning faoliyatini nazorat kilib borish;
  • Innovatsion g‘oyalar, loyihalar va texnologiyalar yarmarkasiga ishlanmalarni taqdim etish, yarmarkada namoyish etiladigan ishlanma(banner, maket, buklet, elektron darslik...)larning dizayni va mazmunini tahlil qilish;
  • Magistrlik dissertatsiyasi mavzularini tahlil qilish va tasdiqlash;
  • Iqtidorli talabalarni ilmiy-tadqiqot ishlariga yo‘naltirish va ularning ilmiy faoliyati natijalarini ommalashtirish;
  •  Doktorlik dissertatsiya ishi yuzasidan o‘tkazilgan tajriba-sinov ishlarini tahlil qilish, tasdiqlash va tavsiya berish.

 

III. Ilmiy-texnik kengashda muhokama qilinadigan masalalarni shakllantirish va tasdiqlash

  1. Ilmiy-texnik kengashda ko‘rib chiqishga doir bo‘lgan asosiy masalalar kengash raisi tomonidan kalendar yili bo‘yicha shakllantiriladi va universitet kengashida tasdiqlanadi.
  2. Ilmiy-texnik kengashda muhokama qilinadigan asosiy masalalar kengash tomonidan yakunlanayotgan yilning 25 dekabrigacha qabul qilinadi.
  3. Ilmiy-texnik kengashda ko‘riladigan masalalarga qo‘shimchalar kiritilishi mumkin.
  4. Ilmiy– texnik kengashda doktorlik dissertatsiyasi mavzularini tasdiqlash, ilmiy maslahatchilarni belgilash, davlat ilmiy texnik-dasturlar doirasida bajarilayotgan loyihalarning faoliyati bilan bog‘liq, ilmiy-anjumanlar tashkil etish, professor va dotsent ilmiy unvonlariga tavsiya etish jarayoni, ilmiy maqolalar, monografiyalar, uslubiy qo‘llanmalar, anjuman to‘plamlarini espertizadan o‘tkazish kabi masalalar muhokama qilinadi.

IV. Ilmiy-texnik kengashda masalalarni muhokama etish

  1. Ilmiy-texnik kengash kun tartibi universitet rektori bilan kelishilgan xolda belgilanadi.
  2. Majlisning kun tartibi kengash a’zolariga majlisdan kamida bir hafta oldin e’lon qilinadi.
  3. Kengash a’zolarining uchdan ikki qismi majlisda ishtirok etgan taqdirda kengash qarorlari xaqiqiy deb hisoblanadi.
  4. Kengash yig‘ilishida noaniqlik yuzaga kelgan xollarda masalaning muhokamasiga aniqlik kiritish sharti bilan keyingi majlisga qoldiriladi.

 

V. Kengash qarorlarini rasmiylashtirish

 

  1. Kengash qarorlari kengash yig‘ilishidan keyin uch kun ichida rasmiylashtiriladi.
  2. Kengash qaroriga rais va kotib imzo qo‘yadilar. Kengash qaroriga kun tartibi, axborot beruvchining ma’lumotlari, so‘zga chiqqan kengash a’zolarining fikrlari va qaror matni kiritiladi.
  3. Kengash qarorlari uch nusxada tayyorlanib, bir nusxasi kotibda saqlanadi, bir nusxasi universitet kengashi kotibi, bir nusxasi masalaga aloqador shaxsga beriladi.
  4. Kengash qarorlariga universitetning gerbli muhri bosiladi.

 

VI. Kengash a’zolarining huquq va majburiyatlari

 

VI.1. Ilmiy – texnik kengash raisi:

  • universitetda ilmiy, innovatsion faoliyat bilan bog‘liq tadbirlarni tashkil etadi;

    • ITKning ish rejasini ishlab chiqadi, uning bajarilishini ta’minlaydi va nazorat qiladi;
    • ITK kotibi va a’zolariga topshiriqlar beradi, kengash kun tartibiga kiritilgan masalalarni tayyorlashga mas’ullarni belgilaydi;
    • ITK a’zolarini kengashdan chiqarish yoki rotatsiya qiish bo‘yicha rektorga taklif kiritadi.

VI.2. Ilmiy – texnik kengash kotibi:

  • ITKda ish yuritilishiga oid hujjatlarni (protokollar, ko‘chirmalar, xatlar, xabarnomalar...) rasmiylashtiradi va saqlaydi;
  • ITK a’zolarini majlis kun tartibi bilan tanishtiradi, xabar beradi va ularning ishtirok etishini qayd qilib boradi.

VI.3.  Ilmiy texnik kengash a’zolari:

  • ITK kun tartibiga universitetning ilmiy faoliyati bilan bog‘liq masalalarni kiritishga taklif beradi;
  • universitet fakultet, kafedra va bo‘limlaridan ilmiy-tadqiqotlar faoliyatiga oid hujjatlarni talab qiladi va ilmiy-tadqiqot ishlarini rivojlantirish bo‘yicha tasiyalar beradi;

VI.4. ITK a’zolarining majburiyatlari:

  • ITK majlislarida doimiy raishda qatnashish va muhokama qilinadigan masalalarni yoritishda faol hamda tashabbuskor bo‘lish;
  • ITK raisi tomonidan topshirilgan vazifalarni o‘z muddatida va sifatli bajarish;
  • ITK qarorlarining amalda bajarilishini ta’minlash.

VI.5. ITK majlislarida muhokama qilinadigan masalalarning mohiyatiga qarab, universitet bo‘limlaridan, boshqa ta’lim muassasalari va tashkilotlardan vakillar ham ishtirok etishi mumkin.

 

VII. ITKning moliyaviy va xo‘jalik faoliyati

 

  1. ITK o‘z faoliyatini uniersitetning Ilmiy-tadqiqot va ilmiy-pedagogik kadrlar tayyorash bo‘limining texnik va ashyoviy zahiralari hisobiga amalga oshiradi.
  2. ITK faoliyati uchun zarur bo‘lgan boshqa xarajatlar ITK raisi bildirgisi asosida universitetning byudjetdan tashqari mablag‘lari hisobidan ta’minlab beriladi.

VIII. Nizo va shikoyatlarni ko‘rib chiqish

 

  1. Nizolarni hal qilishda kengash raisining qarori qatiy hisoblanadi.
  2. Kengash faoliyatida yuzaga kelgan boshqa nizolar O‘zbekiston Respublikasi qonunchiligi doirasida xal etiladi.

 

IX. ITKni tugatish yoki uning faoliyatini qayta ko‘rib chiqish

 

  1. ITK faoliyati rektor buyrug‘i bilan tugatilishi (qayta tashkil etilishi) mumkin.
  2. ITK Nizomiga o‘zgartirish kiritish universitet kengashi roziligi bian amalga oshriladi.

 

Ushbu Nizom universitet kengashining 2014 yil  18

martdagi qarori bilan tasdiqlangan

 

 

 

 

 

Ilmiy-texnik kengash a’zolari ro‘yxati:

F.I.Sh

Ilmiy darajasi va unvoni

Kengashdagi vazifasi

1

J. TaxirovF.-m..f.dKengash raisi

2

B.AbdullaevaP.f.d., prof.Kengash raisi o‘rinbosari

3

A.Abdazimov-Kengash ilmiy kotibi

4

R.NiyozmetovaP.f.d., prof.A’zo

5

M.AyupovaP.f.n., dos.A’zo

6

E.YuzlikaevaP.f.n., dos.A’zo

7

N.SafaevPsixol.f.d., dos.A’zo

8

M.QaxxarovaF.f.n., dos.A’zo

9

J.TolipovaP.f.d., dosA’zo

10

R.IsyanovP.f.n., dos.A’zo

11

J.JalolovP.f.n., prof.A’zo

12

K.MaxkamdjanovP.f.n., prof.A’zo

13

N.EgamberdievaP.f.d., prof.A’zo

14

B.BoymetovP.f.n., prof.A’zo

 

 

 

 

 

 

 

 

 

 

 

 

22 may 2016 yil, 2,871
Yuldasheva D.


Bizning loyihalar


©2018 Toshkent Davlat pedagogika universiteti . Saytdagi ma'lumotlardan foydalanilganda saytga ilova ko`rsating. Xato topsangiz e-mail:siteadmin@tdpu.uz xabar bering