library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

26 oktyabr 2015 yil, 5,376
.

Musiqa ta’limi yo‘nalishi bitiruvchi kurs talabalarining malakaviy pedagogik amaliyoti tashkil etilmoqda


Malakali, bilimli, har jihatdan yetuk pedagogik kadrlar tayyorlashda o‘quv jarayonini to‘g‘ri tashkil qilish muhim ahamiyatga ega. Shunday ekan, pedagogika ta’lim sohasida malakali kadrlar tayyorlashda malakaviy pedagogik amaliyotning o‘rni katta. Nizomiy nomidagi Toshkent davlat pedagogika universiteti Boshlang‘ich ta’lim va jismoniy madaniyat fakulteti “Musiqa ta’limi” ta’limi yo‘nalishi bo‘yicha malakali mutaxassis kadrlar tayyorlanmoqda.

Tasdiqlangan DTS va o‘quv rejalarga ko‘ra, 4-kursda 11 haftalik pedagogik amaliyot o‘tash belgilab qo‘yilgan. Ma’lumki, malakaviy pedagogik amaliyot pedagogik oliy ta’lim muassasalari o‘quv jarayonining tarkibiy qismi hisoblanib, talabalarning 3-4 yil davomida egallagan nazariy bilimlarini amaliyotda sinab ko‘rish, o‘zlarini haqiqiy o‘qituvchi sifatida faoliyat yuritishiga yaratilgan sharoitdir. Shu sababli ham malakaviy pedagogik amaliyotni o‘quv jarayonini tarkibiy qismi sifatida qarash mumkin. 2015-2016 o‘quv yili o‘quv jarayoniga ko‘ra hamda ishchi o‘quv rejalar asosida “Musiqa ta’limi” ta’limi yo‘nalishining malakaviy pedagogik amaliyoti o‘quv yilining 1-yarim yilligida o‘tkazilmoqda. Bugungi kunda musiqa ta’limi yo‘nalishining 66 nafar bitiruvchi 4-kurs talabalari 2015 yilning 2 sentyabrdan 15 noyabrgacha bo‘lgan muddatda tasdiqlangan jadval asosida malakaviy pedagogik amaliyotga chiqarildi. V.Uspenskiy nomidagi Respublika ixtisoslashgan musiqa akademik litseyi, Chilonzor tumani RIMSAL, 118-sonli umumta’lim maktabi hamda 18-sonli bolalar musiqa va san’at maktabida o‘qituvchilar N.Rejemetova, U.Gulliev, D.Salimova va D.Otepbergenova rahbarlik qilmoqda. Barcha guruhlar amaliyot jurnali hamda amaliyot kundaligi bilan ta’minlangan.

Malakaviy pedagogik amaliyotni yuqori saviyada tashkil etish, sifat va samaradorligini oshirish, o‘rta maxsus, kasb-hunar ta’limi muassasalari, umumta’lim maktablari bilan o‘zaro hamkorlikni keng yo‘lga qo‘yish, ta’limni uzviyligi va uzluksizligini ta’minlash maqsadida universitet rahbariyatining tashabbusi bilan professor-o‘qituvchilar N.Rejemetova, U.Gulliev, D.Salimova va D.Otepbergenovalar tomonidan malakaviy pedagogik amaliyot o‘tayotgan ob’ektlarda “namunaviy dars” o‘tib berildi. O‘qituvchilarning tajribalaridan kelib chiqqan holda talabalar dars tahlillaridjan so‘ng ochiq dars o‘tishga bel bog‘ladilar. Shuningdek, talabalar o‘zlari tomonidan tayyorlanadigan pedagogik amaliyot natijalaridagi hisobotlarni elektron shaklda tayyorlash keng joriy etilmoqda. “Namunaviy dars” jarayonida o‘rta maxsus ta’lim muassasalari pedagog o‘qituvchilari hamda amaliyotchi talabalar o‘zaro tajriba almashdi, qolaversa, “namunaviy dars”larni zamonaviy pedagogik texnologiyalariga tayanib o‘tilgan mashg‘ulotlar asosida o‘qituvchilarning fan yutuqlari borasidagi ma’lumotlar bazasi kengayishiga zamin yaratdi. Avvallari talabalar hisobotlarini qog‘oz ko‘rinishida tayyorlar edi, 2015 yil yanvardan elektron ko‘rinishida hisobot tayyorlash joriy etildi. Ushbu tajriba talabalar uchun ham metodist professor-o‘qituvchilar uchun ham katta qulayliklarni yaratdi. Bunda talabalarning o‘zaro dars kuzatuvlari, dars o‘tish, tahlil qilish xolatlari video tasmalarga yozib olinadi va video yozuvlar tahlil etilib, natijalar xisobot fayllaridan joy oladi. Mazkur tajribalar malakaviy pedagogik amaliyot sifat va samaradorligini oshirishga xizmat qilmoqda.

26 oktyabr 2015 yil, O`qilgan:5376



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar