library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

Til millatlararo ko`prikdir!

9 dekabr 2016 yil, 20,680
Murodov U.

Chet tillari fakulteti



Nizomiy nomidagi TDPU Chet tillar fakulteti va uning tarkibida faoliyat ko‘rsatadigan kafedralar va olib borilayotgan ta’lim-tarbiya jarayonlari:

Yusupov O.N. - fakultet dekani

KinjaevaG.S. - ma’naviy-ma’rifiy ishlari bo‘yicha dekan muovini

Muradov O‘.N.-o‘quv ishlari bo‘yicha dekan muovini

Abdujabborova Z.R - Ingliz tili nazariyasi va o‘qitish metodikasi kafedrasi mudiri

Mirzaahmedov M.A. Ingliz tili amaliy kursi kafedrasi mudiri

Matenova Yu.U. – Rus tili va adabiyoti kafedrasi mudiri

Maxmudova M.F.- - Rus tili va uni o‘qitish metodikasi kafedrasi mudiri

Nazarov S.H. - Fakultet kasaba uyushmasi raisi

Ibragimov R.N.-Fakultet ustoz-murabbiylar kengashi raisi

Yunusova H.-Fakultet xotin-qizlar qo‘mitasi raisi


Nizomiy nomidagi Toshkent davlat pedagogika universiteti Chet tillar fakulteti mamlakatimiz uzluksiz ta’lim tizimi uchun chet tili o‘qituvchilarini yetishtirib beruvchi yetakchi muassasalardan sanaladi. “Til millatlararo ko‘prikdir” iborasi fakultetning shiori qilib olingan. Fakultet jamoasi bugun ta’lim va tarbiya jarayonlarini zamon talablari darajasida amalga oshirish uchun tinimsiz mehnat va izlanishda.

2016 yil 2-avgustdan boshlab fakultet dekani vazifasida O.N.Yusupov faoliyat ko‘rsatib kelmoqda.

Chet tillarni mukammal egallagan O.N.Yusupov fakultetda ta’lim va tarbiya jarayonini yaxshilash, malakali kadrlar sifatini oshirishga katta e’tibor qaratgan holda munosib hissa qo‘shib kelmoqda.

Germaniyalik mehmon Yohanna Maerga fakultet dekani O.N.Yusupov tomonidan esdalik sovg‘asi va sertifikat topshirildi.

Fakultet jamoasini bir maqsad atrofida birlashtira olgan malakali rahbar ayniqsa yosh kadrlarga katta umid va ishonch bildirmoqda.

Shu bilan birga ularning kasb mahoratlarini oshirish ustida doimiy qayg‘uradi.

Chet tillar fakultetida faoliyat ko‘rsatayotgan 4 ta kafedralar Rossiya federatsiyasi, AQSh, Buyuk Britaniya, Germaniya, Koreya hamda Xitoyning nufuzli universitetlari bilan hamkorlik aloqalarini o‘rnatgan.

Jumladan Germaniya federativ respublikasi Frayburg va Haydelberg pedagogika universitetlari o‘rtasida o‘zaro tuzilgan shartnoma asosida har yili bir nafar talaba bir semestr, professor-o‘qituvchilarimiz esa bir oy davomida malaka oshirib qaytmoqdalar.

Chet tillar fakultetida xorijlik yetuk mutaxassislar, fan arboblari bilan birga ilmiy-nazariy konferensiyalar tashkil etilib ta’lim rivojiga munosib hissa qo‘shib kelinmoqda.

Fakultetda o‘quv-metodik ishlarga asosiy e’tibor qaratilgan. Ta’limni tashkil etish bilan bog‘liq me’yoriy hujjatlar ustida ishlash, ular asosida o‘quv-tarbiya jarayonini yo‘lga qo‘yish, talabalarni zarur o‘quv va metodik adabiyotlar bilan ta’minlash hamma vaqt fakultet jamoasining diqqat markazida bo‘ladi.

Fakultet jamoasi tomonidan ta’lim tizimining turli bo‘g‘inlari uchun o‘quv-metodik adabiyotlar yaratilmoqda.

Hozirgi kunda fakultetda to‘rtta kafedra: Ingliz tili nazariyasi va o‘qitish metodikasi, Ingliz tili amaliy kursi, Rus til va adabiyoti, Rus tili va uni o‘qitish metodikasi kafedralari mavjud bo‘lib, fakultetda 44 nafar professor-o‘qituvchilar faoliyat olib bormoqda. Shulardan 2 nafari fan doktori-professor, 10 nafar fan nomzodi-dotsentlar, 17 nafar katta o‘qituvchi va 15 nafar o‘qituvchilar faoliyat yuritib kelmoqda. Fakultetda 720 nafar talaba tahsil oladi.

Fakultetda chet tillarni o‘qitish uchun maxsus lingofon auditoriyalari mavjud, jumladan darslar zamonaviy multimedia texnologiyalari asosida tashkil etilgan.

Fakultet professor-o‘qituvchilari tomonidan talabalarga turli ilmiy, ijodiy va kasbiy to‘garaklar tashkil qilinib, talabalarga darsdan tashqari paytlarda chet tildan qo‘shimcha bilimlar berib kelinmoqda.

Ingliz tili nazariyasi va o‘qitish metodikasi kafedrasi professori J.J.Jalolov tashabbusi bilan O‘zbekiston Respublikasi Prezidentining 2012 yil 10 dekabrda qabul qilingan “Chet tillarni o‘rganish tizimini yanada takomillashtirish chora-tadbirlari to‘g‘risida” gi PQ-1875 Qarori ijrosini ta’minlash uchun har oyning oxirgi chorshanba kuni Ilmiy-seminar tashkil qilinib, seminarda fakultetning barcha professor-o‘qituvchilari turli ilmiy mavzularda ma’ruzalar olib borishmoqda.

Fakultetda yuqori malakali va ayni vaqtda yuksak ma’naviyatli, milliy va umuminsoniy qadriyatlarni mukammal biladigan va ularga hurmat bilan munosabatda bo‘la oladigan, erkin fikrlaydigan, ijodkor mutaxassislar tayyorlash maqsadida ma’naviy-ma’rifiy faoliyatga katta e’tibor qaratiladi.

Fakultetning 2016-2017 o‘quv yiliga mo‘ljallangan ma’naviy-ma’rifiy ishlar rejasida ma’naviy-ma’rifiy ishlarni tizimli muvofiqlashtirishga doir tashkiliy masalalar, jamoada umumiy va pedagogik madaniyatni oshirishga qaratilgagn ma’naviy-ma’rifiy ishlar, O‘zbekiston Respublikasi prinsiplariga sadoqatli hamda jamiyat taraqqiyotiga munosib hissa qo‘shishga qodir shaxsni shakllantirish borasida ta’lim muassasalari, ota-onalar, mahalalar, davlat va jamoat tashkilotlari bilan hamkorlikni kuchaytirish, ma’naviy-ma’rifiy ishlarning metodik ta’minoti, gumanitar va ijtimoiy-iqtisodiy fanlarning o‘quv-uslubiy asosini takomillashtirish, ma’naviy-ma’rifiy ishlarga mas’ul xodimlar malakasini oshirish va ularning faoliyatini takomillashtirish, milliy qadriyatlar va an’analar, ajdodlarimizning boy madaniy merosini targ‘ib etish, milliy bayramlar, tarixiy sanalar, buyuk ajdodlar tavalludini nishonlash, ommaviy axborot vositalarida targ‘ibot-tashviqot ishlari yoshlarning bo‘sh vaqtlarini mazmunli tashkil etish, talabalar bilan olib boriladigan ma’naviy-ma’rifiy ishlar va ijtimoiy himoya tadbirlari o‘z aksini topgan.

Fakultet jamoasi doimo ilmiy izlanishda. 2016-2017 yilda fakultet professor-o‘qituvchilari tomonidan 6ta monografiya , 4ta o‘quv qo‘llanma, OAK ro‘yxatidagi jurnallarda 12ta ilmiy maqolalar va xalqaro jurnallarda esa 18 ta ilmiy maqolalar chop etildi. Fakultet jamoasi tinimsiz izlanishdalar.

Raxbariyat

Chet tillari fakulteti dekani

Yusupov Oybek Ne`matjonovich

Bog`lanish uchun

Telefon: 276-78-83

Email: yusupov.o@tdpu.uz

9 dekabr 2016 yil, O`qilgan:20680



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :

Fakultet yangiliklari

28 noyabr 2015 yil

To'garaklar

20 noyabr 2015 yil

Akademik litsey va kasb-hunar kollejlari bilan ishlash

20 oktyabr 2015 yil

Akademik litsey va kasb-hunar kollejlari bilan ishlash buyicha Chet tillar fakultetining
2014-2015 o’quv yili
Hisoboti

Chet tillarni o’rganish tizimini takomillashtirish yuzasidan amalga oshirilgan ishlar

27 iyun 2013 yil

Rus adabiyoti va o‘qitish metodikasi kafedrasi

20 oktyabr 2015 yil

Согласно графику, утвержденному деканатом факультета иностранных языков, 29 и 30 мая 2015 года по кафедре русской и зарубежной литературы состоялись защиты 15 выпускных квалификационных работ по специальности 5111300 – Родной язык и литература (Русский язык и литература).

“Ingliz tili amaliy kursi” kafedrasi

20 oktyabr 2015 yil

Ingliz tili nazariyasi va o‘qitish metodikasi kafedrasi

20 oktyabr 2015 yil

Hozirgi kunda kafedrada 19 ta professor-o‘qituvchi faoliyat ko‘rsatmoqda.

Rus tili va o‘qitish metodikasi kafedrasi

20 oktyabr 2015 yil

“Koreys tili va adabiyotini о‘qitish metodikasi” kafedrasi

20 oktyabr 2015 yil

Nemis tili va о‘qitish metodikasi kafedrasi

20 oktyabr 2015 yil


Bizning loyihalar

        

Fakultetlar