library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          
«Chaqiriqqacha harbiy ta’lim» fakulteti Respublikamizda tayanch yo‘nalish hisoblanadi. Harbiy kafedra – bu tasdiqlangan “Oliy ta’lim muassasalari rezervdagi va zaxiradagi ofitserlarni tayyorlash bo‘yicha o‘quv, tarbiyaviy, ilmiy-metodik ishlarni ta’minlaydigan asosiy o‘quv bo‘linmalardir.

5 oktyabr 2015 yil, 21,470
.

Chaqiriqqacha harbiy ta’lim



Fakultet «O‘zbekiston Respublikasining 1997 yil 29 avgustdagi “Kadrlar tayyorlash milliy dasturi”, “Ta’lim to‘g‘risida”gi hamda 2002 yilning 12 dekabrida qabul qilingan “Umumiy harbiy majburiyat va harbiy xizmat to‘g‘risida”gi Qonunlarini hayotga tadbiq etish yo‘lida 5111500 – “Chaqiriqqacha harbiy ta’lim” ta’lim yo‘nalishi bo‘yicha bakalavrlar tayyorlovchi oliy ta’limning ta’lim dasturi asosida akademik litsey, kasb-hunar kollejlari uchun harbiy rahbarlar va chaqiruvga qadar boshlang‘ich tayyorgarlik o‘qituvchilarini tayyorlashni amalga oshiradi.

1999 yil yanvaridan e’tiboran Qurolli Kuchlarda harbiy islohotlar,aniqrog‘i Qurolli Kuchlar, chegara va ichki qo‘shinlarni yagona davlat siyosati negizida bosqichma-bosqich isloh qilish ishlari boshlandi.

Islohotlar strategiyasining tub mohiyati mamlakatimiz tinch osoyishtaligini ishonchli va samarali himoya qilishga qodir tezkor, yaxshi ta’minlangan Qurolli Kuchlarni tuzishni nazarda tutadi.

O‘zbekiston Respublikasi Prezidenti o‘zining «O‘zbekiston ΧΧI asrga intilmoqda» asarida «Armiyani ,chegara qo‘shinlari va ichki qo‘shinlarni isloh qilishga doir davlat siyosatini amalga oshirish faqat mudofaa salohiyatimizni yuksaltirishga qaratilgan. Boshqacha aytganda, bu jarayon yagona maqsadni – ijtimoiy-iqtisodiy va siyosiy islohotlarni amalga oshirish, demokratik jamiyat va huquqiy davlat qurish uchun, odamlarimizning tinch hayoti va bunyodkorlik mehnatini ta’minlash uchun shart-sharoit yaratib berishni ko‘zlab amalga oshirilmoqda», deb ta’kidlagan edi.

Qurolli Kuchlarimizda bugungi kunda olib borilayotgan islohotlar, milliy armiyamizning yangi zamonaviy harbiy texnikalar va qurol-aslahalar bilan ta’minlanayotganligi va muddatli harbiy xizmat muddatining kamaytirilishi sharoitida yoshlarni harbiy xizmatga tayyorlashning ahamiyati ortib bormoqda. Shunga ko‘ra yoshlarni chaqiruvga qadar boshlang‘ich tayyorgarligini yanada rivojlantirish bugungi kunning dolzarb masalalaridan bo‘lib hisoblanadi.

Harbiy xizmat muddatining qisqartirilishi sharoitida zamonaviy va murakkab harbiy texnikalar, qurol-aslahalarni qisqa muddatda o‘rganishga qodir, Qurolli Kuchlar safida xizmat qilishga har jihatdan tayyorgarlikka ega yoshlarni tayyorlashni yengil vazifa deb bo‘lmaydi.

Buning uchun yoshlarimiz o‘rta ta’lim muassasalarida chaqiruvga qadar boshlang‘ich tayyorgarligi fani bo‘yicha bilim va ko‘nikmalarni katta mas’uliyat va ishtiyoq bilan o‘rganishlari lozim bo‘ladi.

O‘rta maxsus va o‘rta kasb-hunar ta’limi muassasalarida chaqiruvga qadar tayyorgarlik fanini sifatli va samarali o‘qitilishining bu boradagi ahamiyati muhimdir.

Prezidentimiz I.A.Karimov ta’kidlaganidek, «Yosh avlodni el -yurtga, vatanga sadoqatli, iymon – e’tiqodli, mard va jasur, yuqori malakali ma’naviyati yuksak insonlar qilib tarbiyalashda ta’lim o‘choqlarining alohida o‘rni bor».

O‘rta maxsus va o‘rta kasb-hunar ta’lim muassasalarida «Chaqiruvga qadar tayyorgarlik»ni o‘qitilishi haqida O‘zbekiston Respublikasining «Umumiy harbiy majburiyat va harbiy xizmat to‘g‘risida»gi qonunning 13- moddasida quyidagicha yozilgan: «Chaqiruvga qadar tayyorgarlik, shu jumladan fuqaro mudofaasi bo‘yicha tayyorgarlik o‘quv dasturidagi majburiy fan bo‘lib, umumta’lim muassasalarida chaqiruvga qadar tayyorgarlik, o‘qituvchilari tomonidan bitirish yili arafasidagi kurslardan yoki sinflardan boshlab o‘tiladi».

“Chaqiriqqacha harbiy ta’lim” ta’lim yo‘nalishini tamomlagan mutaxassis pedagog kadrlardan O‘zbekiston Respublikasi Mudofaa, Oliy va o‘rta maxsus ta’lim, Sog‘liqni saqlash, Favqulodda vaziyatlar, Madaniyat va sport ishlari vazirliklari hamda O‘zbekiston Respublikasi mudofaasiga ko‘maklashuvchi «Vatanparvar» tashkilotlari manfaatdor bo‘ladilar.

Hozirgi kunda Chaqiriqqacha harbiy ta’lim fakultetining professor-o‘qituvchilari tarkibidan iborat ishchi gurux a’zolari tomonidan «Chaqriqqacha harbiy ta’lim» yo‘nalishi bo‘yicha tuzilgan fanning o‘quv va ishchi o‘quv dasturlarini taftishdan o‘tkazib ularni takomillashtirishga doir uzluksiz ishlar olib boriladi.

Shuningdek Chaqiriqqacha harbiy ta’lim fakultetining professor-o‘qituvchilari O‘zbekiston Respublikasi uzluksiz ta’lim Davlat ta’lim standartlari, Oliy ta’lim Davlat ta’lim standartlarini ishlab chiqishda o‘zlarining tajribalari bilan ishtirok etishmoqdalar.


O‘zbekiston Respublikasida “Ta’lim to‘g‘risida”gi qonun va “Kadrlar tayyorlash Milliy das-turi”, O‘zbekiston Respublikasi Qurolli Kuchlari uchun malakali ofitser ¬kadrlar tayyorlash Mudofaa doktrinasi, “Mudofaa to‘g‘risida”, “Umumiy harbiy majburiyat va harbiy xizmat to‘g‘risida”gi qonunlar, buyruqlarning qabul qilinishi, harbiy bilim yurtlari, oliy o‘quv yurtlarining ¬professor o‘qituvchilari oldiga davr ¬talabiga javob bera oladigan uzluksiz ¬ta’lim ¬tizimi bo‘g‘inlariga va Qurolli -Kuchlarga milliy ofitser kadrlarni ¬tayyorlash vazifalarini qo‘ydi.

Nizomiy nomidagi TDPU qoshidagi harbiy kafedra O‘zbekiston Respublikasi ¬Vazirlar Mahkamasining 1991 yilning 18 dekabridagi 14/ 40-19-sonli Qarori va ¬O‘zbekiston Respublikasi Xalq ta’limi ¬Vazirligining 1991 yilning 25 martidagi 84-sonli buyrug‘iga binoan takshil etilgan bo‘lib, 2004 yilga qadar Chaqiriqqacha ¬harbiy tayyorgarlik va jismoniy tarbiya o‘qituvchisi mutaxassisligi bo‘yicha o‘qituvchi kadrlar tayyorlab kelgan. 2005 yildan DTS talablariga muvafiq harbiy kafedra faqat bitta ta’lim yo‘nalishi – Chaqiriqqacha harbiy tayyorgarlik fani o‘qituvchilarini tayyorlashni boshladi. Nizomiy nomidagi TDPI rektorining 1991 yilning 31 martidagi 210-sonli buyrug‘iga ko‘ra TDPI (TDPU) tizimida ¬Boshlang‘ich harbiy tayyorgarlik va jismoniy¬ tarbiya o‘qituvchisi mutaxassisligi bo‘yicha o‘quv jarayoni yo‘lga qo‘yildi.

O‘zbekiston Respublikasi Oliy va o‘rta maxsus ta’lim vazirligi hamda Mudofaa vazirligining 2008 yil 5 avgustdagi12/230-sonli qo‘shma qaroriga hamda universitet rektorning 2008 yil 21 oktyabrdagi 328-U sonli buyrug‘iga binoan harbiy kafedra negizida ¬Jismoniy madaniyat va chaqiriqqacha harbiy ta’lim fakulteti tashkil etilib, Chaqiriqqacha harbiy ta’lim, Jismoniy madaniyat va bolalar sporti yo‘nalishlari bo‘yicha ¬bakalavrlar tayyorlangan. Fakultetda yo‘nalishlar bo‘yicha O‘zbekiston uzluksiz ta’limi davlat standartlari tizimi va o‘quv rejalari tasdiqlanib, amalda tadbiq etilgan.

Fakultetning Chaqiriqqacha harbiy ta’lim yo‘nalishi respublikada tayanch yo‘nalish hisoblanib, Chaqiriqqacha harbiy ta’lim hamda Jismoniy madaniyat va bolalar sporti ta’lim yo‘nalishlari bo‘yicha respublikamizdagi akademik litsey, kasb-hunar kollejlari va umumiy o‘rta ta’lim maktablariga -Jismoniy tarbiya va sport hamda Yoshlarni chaqiruvga qadar boshlang‘ich tayyorlash fanlaridan dars beradigan yuqori malakali mutaxassis kadrlarni tayyorlab kelgan.

2012-2013 o‘quv yilidan boshlab harbiy kafedra Harbiy ta’lim fakuteti maqomi bilan faoliyat yurita boshladi. Hozirgi vaqtda Harbiy kafedrada 19 ta fan o‘qitilib kelinmoqda hamda harbiy tayyorgarlik fanlari bo‘yicha Mudofaa vazirligining harbiy ta’lim boshqarmasi tomonidan kerakli adabiyotlar bilan ta’minlanmoqda.

Fakultetda faoliyat yuritayotgan 10 nafar podpolkovnik, 5 nafar mayor va 4 nafar ¬zahiradagi ofitser-o‘qituvchilar talaba-yoshlarga harbiy soha sir-asrorlarini o‘rgatib, ularni vatanparvarlik ¬ruhida tarbiyalashga o‘zlarining munosib hissalarini qo‘shib kelmoqdalar. Talabalar bilan o‘quv-tarbiya ishlarini tashkil etish va olib borish uchun o‘quv-metodik baza va moddiy ta’minot harbiy kafedra boshlig‘ining buyurtmasiga ko‘ra O‘zbekiston Respublikasi Mudofaa vazirligi tomonidan ta’minlanmoqda.

5 oktyabr 2015 yil, O`qilgan:21470



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :

Fakultet yangiliklari

2 dekabr 2015 yil

To'garaklar

20 noyabr 2015 yil

Fakultetning hozirgi tuzilmasi va kadrlar salohiyati.

6 oktyabr 2015 yil

Hozirgi kunda Chaqiriqqacha harbiy ta’lim fakultet 3 sikldan tashkil topgan.

Fakultet tarixi

6 oktyabr 2015 yil

Nizomiy nomidagi TDPU qoshidagi harbiy kafedra O‘zbekiston Respublikasi Vazirlar Mahkamasining 1991 – yilning 18 – dekabridagi № 14/ 40-19 sonli Qarori va O‘zbekiston Respublikasi Xalq ta’limi Vazirligining 1991 – yilning 25 – martidagi № 84 buyrug‘iga binoan takshil etilib 2004 – yilga qadar «Chaqiriqqacha harbiy tayyorgarlik va jismoniy tarbiya o‘qituvchisi» mutaxassisligi bo‘yicha o‘qituvchi kadrlar tayyorlab kelgan.

Qurolli kuchlarimizning jangovar an’analari. Harbiy qasamyod.

6 oktyabr 2015 yil

Mustaqillik sharofati hamda, shaxsan Prezident Islom Karimovning tashabbusi bilan O‘zbekiston Respublikasi Mudofaa vazirligi tashkil etildi, milliy gvardiya, respublika Mudofaa qo‘shinlari vujudga keltirildi. Endilikda ofitser va askar yigitlarimiz O‘zbekistonga va uning xalqiga sadoqat bilan xizmat qilamiz, deb tantanali ravishda qasamyod etmoqdalar.


Bizning loyihalar

        

Fakultetlar