library     Majmua     eDarslik     asofaviy ta`lim     Pedagog     Ota-onalarga     Kirish          

Oila salomatligi – yurt boyligi

27 may 2013 yil, 28,527
.

Universitetning barcha 342 ta akademik guruhida Hayot faoliyati xavfsizligi hamda Zoologiya, anatomiya va fiziologiya kafedralari professor-o’qituvchilari tomonidan “Salomatlik darslari” olib borildi.

OILA SALOMATLIGI – YURT BOYLIGI

Xalqimizda “Salomatlik – tuman boylik” degan purma’no hikmat bor. Inson salomatligi mamlakat, davlatning eng katta boyligi sanaladi. SHu bois mamlakatimizda xalq salomatligini asrash, sog’lom turmush tarzini mustahkamlash borasida qator ibratli ishlar amalga oshirilayotgani har birimizga yaxshi ma’lum. Aholining barcha qatlamlari salomatligini mustahkamlash maqsadida sog’lomlashtirish maskanlari, sport majmualari, sport maktablari ishga tushirilib, mavjudlari esa qayta ta’mirlanib, zamon talablari darajasida jihozlanmoqda. Sohani etuk mutaxassislar bilan ta’minlash ham davlatimiz, hukumatimizning diqqat markazida bo’lgan masalalardan.

Aholi salomatligini mustahkamlash borasida jamoat tashkilotlari ham samarali faoliyat olib bormoqda. O’zbekiston madaniyati va san’ati Forumi jamg’armasining “Oila salomatligi” aktsiyasi targ’ibot-tashviqot ishlarini amalga oshirish hamda Vazirlar Mahkamasining 2013 yil 8 maydagi topshiriq xatida belgilangan vazifalar doirasida oliy va o’rta maxsus, kasb-hunar ta’limi muassasalarida tashkil etilgan “Salomatlik darslari” ta’lim muassasalari, qatori universitetimizda ham katta yuqori darajada uyushqoqlik bilan o’tkazildi.

Universitetning barcha 342 ta akademik guruhida Hayot faoliyati xavfsizligi hamda Zoologiya, anatomiya va fiziologiya kafedralari professor-o’qituvchilari tomonidan “Salomatlik darslari” olib borildi. Ma’ruzalar “sog’lom turmush tarzi” tushunchasining mazmun-mohiyatini ochib berish, talabalarda o’z salomatligiga nisbatan ehtiyotkorona munosabatni shakllantirish, salomatlik hayotdagi eng katta boylik ekanligi haqidagi tasavvurni mustahkamlashga qaratildi.

Talabalarga mavzu yuzasidan savollar berilib, ularning bu boradagi bilimlari haqida tasavvurga ega bo’lingach, ular bilishi muhim bo’lgan bilimlar bilan boyitildi. Sog’lom turmush tarzini targ’ib etuvchi videolavhalar ham talabalarning bu boradagi tushunchalarining kengayishiga xizmat qilishi tabiiy.

“Salomatlik darsi”dan chiqqan talabalarning fikrlari bilan qiziqdik:

– Salomatlik nafaqat jismoniy kamchilik va kasalliklardan xoli ekanlik, balki jismoniy, ruhiy, ma’naviy va ijtimoiy jihatdan to’la barkamollik, demakdir ,- deydi O’zbek tili va adabiyoti fakulьteti talabasi Nafisa Yo’ldosheva. Barkamol yoshlar esa yurtimiz kelajagi. SHunday ekan, salomatlik haqida har birimiz, har doim qayg’urishimiz lozim. Bugungi salomatlik darslari, sog’liqni saqlashni targ’ib qiluvchi videolavhalarni ko’rgandan keyin sport bilan shug’ullanuvchilar soni ortishi, talabalar zararli odatlari bilan xayrlashishi shubhasiz.

- Men ikki yildan beri Fond Forum tomonidan o’tkazib kelinayotgan “Hayot uchun!” xayriya tadbirlarida ishtirok etaman. U erdagi qatnashchilarning kayfiyati, bemorlarning sog’ligini tiklash uchun hissa qo’shish maqsadida amalga oshirilayotgan ishlarni ko’rib, g’urur hissini tuyaman. Bularning bari yurt tinchligi uchun qilinayapti,- desak mubolag’a bo’lmaydi. CHunki insonlar salomatligi – yurt boyligi, - dedi San’at fakulьteti talabasi Sardor Murodov

Biz bilan suhbatda bo’lgan talabalarning barchasi shu mazmunda fikr bildirishdi.

Darhaqiqat, sog’lom turmush tarzi inson faoliyatining turli jihatlarini rivojlantirish, jamiyat hayotida, mehnat, oila hayoti va ijodiy jarayonlarda faol ishtirok etish uchun muhim asos hisoblanadi. SHunday ekan, o’zimiz hamda yon-atrofimizdagilarning sog’ligi haqida qayg’urish insoniy burchimizdir.

27 may 2013 yil, O`qilgan :28527



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar

        

Ma`naviy-ma`rifiy ishlar