|   library.tdpu.uz   |   majmua.tdpu.uz   |   eDarslik.tdpu.uz   |   asofaviy ta`lim   |   Pedagog   |   Ota-onalar uchun   |   Kirish   |      


“Uch ustoz ibrati” kitobining taqdimoti

2015 yilning 21- dekabr kuni Kasb ta’limi fakulteti “Muhandislik grafikasi va uni o‘qitish metodikasi” kafedrasida dotsent A’zamjon Ne’matovich Valiyev tashabbusi bilan “Keksalarni e’zozlash va qadrlash yili”ga bag‘ishlab yozilgan “Uch ustoz ibrati‘” kitobi taqdimoti o‘tkazildi.

Dastlab, A.Valiyev so‘zga chiqib, ushbu uchrashuvni tashkil qilinishining 3ta sababini aytib o‘tdi.

1- sabab, 2015- yil “Keksalarni e’zozlash va qadrlash yili” munosabati bilan keksa ustozlarni bir piyola choyga chaqirib, ular bilan diydorlashish, hamsuhbat bo‘lish va ularning duolarini olish.

2- sabab, bir umr shu kafedrada faoliyat yuritgan, chizma geometriya va chizmachilik fanlarining taraqqiyotiga katta hissa qo‘shgan, biroq hozirda oramizda yo‘q bo‘lgan ustozlar Yusuf Qirg‘izboyev, Abduraxim Tojiboyev, Karim Qobiljonov, Ilyos Ismoilov, Rahmatilla Ismatullayev, A’zam Abdurahmonov va boshqa ustozlarni yodga olish, yosh pedagoglarga ular to‘g‘risida ma’lumot berish.

3- asosiy sabab, fanimiz taraqqiyotiga ulkan hissa qo‘shgan uch buyuk ustoz Ikromjon Turg‘unovich Rahmonov, Shmidt Karimovich Murodov va Pulat Adilovich Adilovlarning hayoti, ilmiy-pedagogik faoliyatini o‘zida aks ettirgan “Uch ustoz ibrati” nomli biografik qo‘llanmaning nashrdan chiqqanligi munosabati bilan uning taqdimotini o‘tkazish.

So‘ngra A.Valiyev uch ustozga va kafedra jamoasiga kitoblarni gullar bilan taqdim qildi. Shuningdek, kirib kelayotgan Yangi yil bayrami bilan barchani tabrikladi.

Shundan so‘ng TDPU professori Ikromjon Rahmonov, professor Shmidt Murodov va dotsent Pulat Adilovlar so‘zga chiqib ularga berilgan e’tibor, hurmat va e’tirof uchun jamoa a’zolariga , xususan, shogirdlari A’zamjon Valiyevga o‘zlarining minnatdorchiligini bildirib o‘tdilar.

Bundan tashqari 1955- yili tashkil topgan mazkur kafedraning shu kunigacha bo‘lgan oraliqda faoliyat yuritgan ustozlarning insoniy fazilatlari va ilmiy salohiyatlari haqida ma’lumotlar berib o‘tdilar.

Suhbat davomida laganlarga oshlar suzilib, dasturxonga tortildi. O‘zaro hurmat, chin samimiylikda o‘tgan uchrashuvdan minnatdor bo‘lgan ishtirokchilar xursandliklarini izhor qilishdi. Katta o‘qituvchi Nozima Gulamova “Ustozlar” deb nomlangan she’rni o‘qib eshittirdi.

Tadbir so‘nggida “Uch ustoz ibrati” kitobining qahramonlari va mualliflaridan dastxatlar olindi.

22 dekabr 2015 yil, O`qilgan:3238

Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


  • Pedagogikadan savol

    O`zbekiston Respublikasida ta`lim sohasidagi islohotlarning asosiy maqsadi, bu...

    Javob: Insonni har tomonlama rivojlantirish va kamol topishi

So`nggi yangiliklar

Foydali manbalar




Đĺéňčíă ÂÓÇîâ




Bizning loyihalar




        
2017-03-28 11:24:29