Foydali manbalar













OTM web-reytingi

Ustoz Ikrom Rahmonovning hayoti va faoliyati «Nuroniy fasl» teleko‘rsatuvida

Insondan qoladigan yaxshi xotira va me’rosni belgilovchi omillar bu: inson hayoti davomida qilgan amallari, boshqalarga qilgan yaxshiliklari, solih va soliha farzandlari, yaratgan bog‘lari, xalq turmushi farovonligi yo‘lida qilgan ishlaridir.






Nizomiy nomidagi TDPUning faxriy professori Ikrom Turg‘unovich Rahmonov yuqorida qayd etilgan barcha ijobiy omillar egasi bo‘lish bilan birga, etuk olim va ko‘plab o‘quv adabiyotlar hamda maktab «CHizmachilik» darsligi muallifidir.

Ikrom Rahmonov 1955 yili ochilgan «Rasm-chizmachilik» yo‘nalishining ilk qaldirg‘och bitiruvchisidir. SHu munosabat bilan O‘zbekiston teleradiokompaniyasi «Mahalla» telekanalining «Nuroniy fasl» teleko‘rsatuvi ijodkorlari ustozning hayot yo‘lini o‘rnak bilib, uni mamlakatimiz fuqarolariga, ayniqsa, yoshlarga ko‘rsatishni maqsad qildilar. Va, 2016 yilning 16 yanvar kuni ko‘rsatuv namoyish etildi.

Ko‘rsatuv boshida I.Rahmonov haqida O‘zbekiston xalq ustasi Maxmud Mamajonov to‘lqinlanib so‘zladi va uni o‘zining ustozi ekanligini ta’kidladi.

So‘ngra shogirdi dotsent A.Valiev ustozi I.Rahmonovning unga kitob yozish san’atini o‘rgatgani, ular barcha o‘zbekistonlik maktab o‘quvchi va o‘qituvchilarining ustozi ekanligi haqidagi fikrlarini bayon qildi.

Keyin ustozning «Muhandislik grafikasi va uni o‘qitish metodikasi» kafedrasidagi shogirdlari Z.Mirzaliev, N.Gulamova, M.Xalimov, N.Tashimov, S.Saydaliev, K.Malikov, X.Rixsiboeva, E.Nurmatovlar bilan uchrashuv payti namoyish etildi.

Suratga olish jarayonida ustoz bilan birga ishlagan dotsent Boqijon aka Muhamadjonov va o‘quv ishlari bo‘yicha prorektor Dilshod Unarovich Ergashevlar uchrashib qolishdi va ular o‘tgan davrlar haqida biroz suhbat qurishdi.

Ustoz 83 bahorni qarshilagan bo‘lsalar-da, hamon ijod bilan mashg‘ul. Mustaqillik davrida uning yozgan 30tadan ortiq o‘quv adabiyotlari chop etildi. Ularning yozgan kitoblari va boy kutubxonasi ham ko‘rsatuvda namoyish etildi.

Ko‘rsatuv ijodkorlari I.Rahmonovning oilasi davrasida ham bo‘lishdi. Oila a’zolari ustozning yozgan kitoblarini ko‘zdan kechirib, mutolaa qilayotgan edilar. Ustozning turmush o‘rtoqlari Farida aya Rahmonova ularning insoniy fazilatlari haqida g‘ururlanib, mehr bilan so‘zladi. Ular ham pedagog bo‘lib, maktabda yosh avlodga ta’lim-tarbiya berganlar.

Ko‘rsatuv ijodkorlari uni tayyorlash jarayonida katta yordam bergan Kasb ta’limi fakulteti «Muhandislik grafikasi va uni o‘qitish metodikasi» kafedrasi jamoasiga samimiy minnatdorchilik bildirishdi.

23 yanvar 2017 yil, 4,611
.


Elektron ta`lim resurslari


Bizning loyihalar


©2018 Toshkent Davlat pedagogika universiteti .
Saytdagi ma'lumotlardan foydalanilganda saytga ilova ko`rsating.
Xato topsangiz e-mail:siteadmin@tdpu.uz xabar bering