library     Majmua     eDarslik     asofaviy ta`lim     Pedagog     Ota-onalarga     Kirish          

Axborot resurs markazi

5 oktyabr 2015 yil, 13,740
.

Nizomiy nomidagi TDPUning Axborot – resurs markazida elektron adabiyotlar bо‘limi 2001 yili tashkil qilinib, u 17 о‘rinlik kompyuter xonasidan iborat edi. Ushbu bо‘lim о‘z faoliyatini kichik hajmli elektron bazadan boshlab tо‘ldirib borgan. Kitobxonlarga qulaylik yaratish maqsadida “Irbis” – kitoblar elektron katalogi ishga tushirilgan va hozirgi kunga qadar yangi kitoblar bilan tо‘ldirib borilmoqda. 2012 yil elektron adabiyotlar bо‘limini kengaytirish maqsadida yangi о‘ttiz о‘rinlik kompyuter xonasi tashkil etildi. Unda jami 2600dan ziyod barcha ta’lim yо‘nalishlari bо‘yicha darslik, о‘quv qо‘llanma, о‘quv-uslubiy majmualar bazasi yaratildi. Ushbu ma’lumotlar bazasidan professor-о‘qituvchilar va talabalar foydalanish imkoniyatiga egalar. Elektron ma’lumotlarning bir nushasi bо‘limda SD disklarda saqlanadi. Bundan tashqari internet tizimi ishga tushirilgan.



Nizomiy nomidagi TDPUning Axborot – resurs markazida elektron adabiyotlar bо‘limi 2001 yili tashkil qilinib, u 17 о‘rinlik kompyuter xonasidan iborat edi. Ushbu bо‘lim о‘z faoliyatini kichik hajmli elektron bazadan boshlab tо‘ldirib borgan. Kitobxonlarga qulaylik yaratish maqsadida “Irbis” – kitoblar elektron katalogi ishga tushirilgan va hozirgi kunga qadar yangi kitoblar bilan tо‘ldirib borilmoqda. 2012 yil elektron adabiyotlar bо‘limini kengaytirish maqsadida yangi о‘ttiz о‘rinlik kompyuter xonasi tashkil etildi. Unda jami 2600dan ziyod barcha ta’lim yо‘nalishlari bо‘yicha darslik, о‘quv qо‘llanma, о‘quv-uslubiy majmualar bazasi yaratildi. Ushbu ma’lumotlar bazasidan professor-о‘qituvchilar va talabalar foydalanish imkoniyatiga egalar. Elektron ma’lumotlarning bir nushasi bо‘limda SD disklarda saqlanadi. Bundan tashqari internet tizimi ishga tushirilgan.

О‘zbekiston Respublikasi Prezidentining 2012 yil 5 sentabrdagi PQ 1815 sonli “Koreya Respublikasi Hukumatining grantini jalb qilgan holda “Nizomiy nomidagi Toshkent davlat pedagogika universiteti va Toshkent davlat sharqshunoslik institutida elektron kutubxonalarni tashkil etish” loyihasini amalga oshirish chora-tadbirlari tо‘g‘risida”gi qaroriga binoan universitetimizda elektron kutubxona tashkil etilmoqda.

Mazkur qarorga kо‘ra:

1. О‘zbekiston Respublikasi va Koreya Respublikasi Hukumatlari о‘rtasida 2011 yil 23 avgustda Koreya Respublikasi Hukumati tomonidan ajratilgan 2.5 mln. AQSH dollari miqdoridagi grantni jalb qilgan holda “Nizomiy nomidagi Toshkent davlat pedagogika universiteti va Toshkent davlat sharqshunoslik institutida elektron kutubxonalarni tashkil etish” loyihasini amalga oshirish haqida Bitim imzolandi.

2. “Nizomiy nomidagi Toshkent davlat pedagogika universiteti va Toshkent davlat sharqshunoslik institutida elektron kutubxonalarni tashkil etish” loyihasini amalga oshirish uchun asosiy vazifalar etib quyidagilar belgilandi:

- ta’lim jarayoni, ta’lim muassasalarining ilmiy-metodik, innovatsion-tadqiqotchilik va ma’naviy-ma’rifiy faoliyatiga sifatli axborot-kutubxona xizmati kо‘rsatish maqsadida doimiy amal qiladigan va yangilab boriladigan о‘quv-metodik , tahliliy-statistik resurslar elektron bazasini yaratish;

-zamonaviy yuqori samarali axborot-kommunikatsiya texnologiyalaridan foydalangan holda foydalanuvchilarning intellektual va madaniy ehtiyojlarini qondirish uchun keng axborot-resurs bazasini shakllantirish;

- axborot resurslari va elektron (raqamli) nashrlar elektron katalogini yaratish bilan kutubxonachilik faoliyatining barcha jarayonlarini avtomatlashtirish;

- elektron kutubxonaga foydalanuvchilarni keng qamrab olishni ta’minlaydigan foydalanuvchilarga xizmat kо‘rsatishning yangi, xalqaro amaliyotda sinalgan shakllarini va ilg‘or dasturiy mahsulotlarni tizimli asosda joriy etish;

- elektron axborot-kutubxona resurslarini uzoq muddat saqlashni tashkil etish yо‘li bilan elektron kutubxonalarning dunyo axborot makoniga integratsiyalashuvini belgilash.

Mazkur qarorda belgilangan vazifalarni bajarish ishlari jadal suratlarda amalga oshirilmoqda.

Nizomiy nomidagi TDPU kutubxonasi О‘zbekiston Respublikasi Prezidentining 2006 yil 20 iyun «Respublika aholisini axborot kutubxona bilan ta’minlashni tashkil etish tо‘g‘risidagi » № 381 qaroriga binoan Axborot-resurs markaziga aylantirildi.

Nizomiy nomidagi TDPUning Axborot – resurs markazi strukturasi

Axborot-resurs markazi tuzilishi quyidagicha:

ARM boshqaruv apparati:

1. Direktor

2. Direktor muovini

ARM ichki bо‘limlari:

1.Fondni ilmiy tarzda tо‘ldirish bо‘limi

2.Fondni ilmiy tarzda qayta ishlash bо‘limi

3. Biliografiya bо‘limi

ARM tashqi bо‘limlari

1. Fundamental о‘quv zali

2. Elektron adabiyotlar kutubxonasi

3. Abonimentda xizmat kо‘rsatish bо‘limi filiallari:

1) Fizika -matematika, kasb ta’limi fak. kutubxonasi;

2) О‘zbek tili adabiyoti fak. kutub.

3) Tabiiy fanlar fak. kutub.

4) CHHT va J/T. Fak. kutub.

5) Pedagogika – psixologiya fak. kutub.

6) San’at fak. kutub.

7) Tarix fak. kutub.

8) Malaka oshirish fak. kutub.

9) Defektologiya, Boshlakng‘ich ta’lim fak. kutub.

10) Chet tillar fak. kutub.

11) TTJ filial kutubxonalar.

Axborot – resurs markazi umumiy fondi haqida ma’lumot

Axborot - resurs markazining kitob fondi – 960.058 nusxani tashkil qiladi. Shundan - 116.723 nusxasi ilmiy adabiyotlar, 305.479 nusxada darsliklar, 448437 nusxada о‘quv qо‘llanmalar, 69.400 nusxada badiiy adabiyotlar va 16.634 nusxada ma’naviy - ma’rifiy adabiyotlar, 3.385 nusxada chet el adabiyotlari, 3149 nusxada avtoreferatlar, 1247 nusxada dissertatsiyalar, 27.259 nusxada bitiruv malakaviy ishlar tashkil qiladi.

Axborot – resurs markazi xodimlari haqida ma’lumot

ARM ning 57 ta shtati mavjud bо‘lib, hozirgi kunda 57 о‘rinda xodimlar faoliyat olib boryapti 1 ta vakant о‘rin mavjud.

ARM xodimlari haqida malumot

Oliy ma’lumotlilar - 20 nafar xodim

Oliy kutubxonashunoslik ma’lumotiga egalar - 10 nafar xodim

Tugallanmagan oliy ma’lumotlilar - 12 nafar xodim

О‘rta maxsus ma’lumotlilar - 8 nafar xodim

О‘rta maxsus kutubxonashunoslik ma’lumotiga ega bо‘lganlar - 4 nafar xodim

О‘rta ma’lumotlilar - 6 nafar xodim

О‘zbekiston Respublikasi oliy va о‘rta maxsus ta’lim vazirligi tomonidan

13 yanvar 1999 yildagi № 12 sonli “О‘quv yurtlarini kutubxonalarining faoliyatini takomillashtirish haqida “buyrug‘i asosida oliy va о‘rta maxsus ta’lim vazirligining muammolar institutida kutubxona xodimlarini malakasini oshirish kursi tashkil qilinib , tо‘liq ravishda kutubxona xodimlarining malakalarini oshirish ishlari amalga oshirilgan.

2006 yil 27 noyabrda Abdulla Qodiriy nomidagi Toshkent Davlat madaniyat institutida shartnoma asosida Turayeva Dilfuza Sagdullayevna malaka oshirib kelgan.

2006 yil Kutubxona Assotsiatsiyasi bilan shartnoma tuzilib IRBIS programmasi sotib olindi va shu asosda 10 nafar xodim shu programma asosida malakasini oshirgan.

2001 yilda universitetimiz Axborot – texnologiyalari tomonidan 2 oylik kompyuter kursi ochilib, kutubxonaning barcha xodimlari kompyuter savodxonligi bо‘yicha о‘qitilgan va sertifikatlar berilgan.

Axborot - resurs markazi texnik jixozlanishi hamda elektron adabiyotlari haqida ma’lumot

ARM da jami 47ta kompter, 3 ta skaner, 1 qog‘oz qirqish moslamasi, 1 ta laminator, 1 ta muqovalash moslamasi, 2 ta televizor, DWD va audio texnikalari bilan ta’minlangan. Kompyuterlarning 11 tasi Internet va universitet lokal tarmog‘iga ulangan. kompyuterlariga 2006 yilda IRBIS programmasi о‘rnatilib xozirgi kunda shu programma asosida, hamda Koreyaning KOIKA tashkiloti tomonidan о‘rnatilgan yangi programma asosida kutubxonadagi barcha adabiyotlarni elektron katalogi yaratilmokda. ARM kompyuterlariga joylashtirilgan elektron adabiyotlar - 5020 nomda, elektron kataloglar soni – 30.658 nomda kiritilgan.

Axborot-resurs markazi direktori xaqida ma’lumot

Nuriddin Xalillilayevich Dosanov 2012 yilning 4 yanvardan boshlab Axborot-resurs markazining direktori lavozimida ishlab kelmoqda.

U 1990 yilda Nizomiy nomidagi Toshkent Davlat Pedagogika institutining о‘zbek filalogiyasi fakultetini tugatgan. 1990-1993 yillarda institut qoshidagi aspiranturada tahsil olgan. 1993 yildan boshlab hozirgi kunga qadar universitetda turli lavozimlarda faoliyat yuritgan. Filologiya fanlari nomzodi ilmiy darajasiga ega.


Toshkent davlat pedagogika instituti tashkil etilishi munosabati bilan 1935 yilda O‘rta Osiyo davlat universiteti kutubxonasi fondidan 3000 nusxaga yaqin kitob ajratilib, ¬institut kutubxonasi tashkil qilindi.

1945/46 yillarga kelib kutubxona fondi – 127564 (bir yuz yigirma yetti ming besh yuz oltmish to‘rt) nusxani tashkil qilgan, kitobxonlar soni esa – 4167 (to‘rt ming bir yuz oltmish yetti) kishiga yetgan hamda kutubxona fondi va kitobxonlar soni o‘sib borishi natijasida kutubxona tizimi va shtati ham kengayib bordi.

1970 yillarga kelib kutubxona fondi - 815235 nusxaga yetdi, kitobxonlar soni – 16092 kishini tashkil qilgan, kutubxona shtati – 50 kishidan iborat bo‘lgan. Shu yillarda kutubxona tizimida katta o‘zgartirishlar amalga oshirilgan, kutubxona qoshida 10 kishidan iborat bibliografiya bo‘limi tashkil qilingan. Shu davrga kelib kutubxona qiroatxonasining o‘rindiqlar soni 275 taga yetqazilgan, yana fundamental o‘quv zali qoshida 50 o‘rinli ilmiy hodimlar qiroatxonasi tashkil qilingan.

1985 yilga kelib kutubxona fondi – 982972 nusxani tashkil qilgan, kitobxonlar soni soni esa – 14000 kishiga yetgan, fundamental o‘quv zali fondi - 380315 nusxani tashkil qilgan, abonement o‘quv kutubxonasi fondi - 500000 nusxaga, musiqa fakulteti kutubxonasi fakulteti fondi – 40000 nusxani tashkil qilgan. Kutubxonada o‘zbek, rus, qozoq, qirim-tatar tillaridagi adabiyotlar jamlangan.

O‘zbekiston mustaqilligi yillarida Respublikamizda ta’lim tizimiga berilayotgan alohida e’tibor natijasida universitet kutubxonasi takomil topib bordi. Xususan, O‘zbekiston Respublikasi Prezidentining 2006 yil 20 iyundagi “Respublika aholisini axborot-kutubxona bilan ta’minlashni tashkil etish to‘g‘risida”gi PQ-381-sonli qarori asosida universitet kutubxonasi Axborot-resurs markaziga aylantirildi va uning moddiy texnik bazasi ta’minoti sezilarli darajada yaxshilandi.

Shuningdek, 2011 yil 13 aprelda O‘zbekiston Respublikasining “Axborot-kutubxona faoliyati to‘g‘risida”gi Qonuni qabul qilindi. Mazkur Qonunning asosiy maqsadi axborot-kutubxona faoliyati sohasidagi munosabatlarni tartibga solishdan iborat bo‘ldi. 2012 yil 5 sentyabrda O‘zbekiston Respublikasi Prezidentining “Koreya Respublikasi Hukumatining grantini jalb qilgan holda “Nizomiy nomidagi Toshkent davlat pedagogika universiteti va Toshkent davlat sharqshunoslik institutida elektron kutubxonalarni tashkil etish” loyihasini amalga oshirish chora-tadbirlari to‘g‘risida”gi Qarori asosida universitetda zamonaviy talablar asosida Elektron kutubxona tashkil etildi. Elektron kutubxona ilmiy adabiyotlar va o‘quv adabiyotlari zalidan, multimediya hamda dasturchilar xonasidan iborat bo‘lib, eng zamonaviy texnika vosita (kompyuter, tezkor skaner kabi)lari bilan jixozlangan.

Elektron kutubxonaning birinchi qavatida BTM, defektologiya, pedagogika-psixologiya, tabiiy fanlar, ChXT, o‘zbek tili va adabiyoti fakultetlarining o‘quv kutubxonalari joylashgan. Ushbu kutubxonadan talabalarga adabiyotlar bir semestrga komplekt tarzida beriladi.

Kutubxonaning ikkinchi qavatida ilmiy adabiyotlar o‘quv zali hamda multimediya xonasi joylashgan. Ushbu bo‘limda ARMda mavjud barcha elektron manbalardan foydalanish imkonyati mavjud.

Elektron kutubxonadan foydalanish uchun kitobxon a’zolik ro‘yxatidan o‘tishi shart.

Ro‘yxatdan o‘tgan kitobxonga shaxsiy ID raqami va parol beriladi.

Elektron kutubxonaga a’zo bo‘lgan kitobxon ushbu kutubxonadan to‘laqonli foydalanish huquqiga ega bo‘ladi.

Kutubxona bilan tanishish, mavjud adabiyotlardan foydalanish uchun www.library.tdpu.uz elektron kutubxona saytiga kiriladi.

Axborot - resurs markazining kitob fondi – 962.435 nusxani tashkil qiladi. Shundan – 104.517 nusxasi ilmiy adabiyotlar, 302.320 nusxada darsliklar, 453.045 nusxada o‘quv ko‘llanmalar, 61.264 nusxada badiiy adabiyotlar va 16.654 nusxada ma’naviy - ma’rifiy adabiyotlar, 3.517 nusxada chet el adabiyotlari, 3349 nusxada avtoreferatlar, 1293 nusxada dissertatsiyalar, 13.259 nusxada bitiruv malakaviy ishlari, 3217 nomda magistrlik ishlari tashkil kiladi.

5 oktyabr 2015 yil, O`qilgan :13740

“Ozodlik havosidan to‘yib nafas olgan xalq o‘z yo‘lidan hech qachon qaytmaydi” kitobini taqdimoti o‘tkazildi.

26 yanvar 2017 yil

O‘zbekiston Respublikasining birinchi Prezidenti, mustaqil O‘zbekiston davlatining asoschisi Islom Abdug‘aniyevich Karimovning asarlari ko‘rgazmasi tashkil etildi.

Axborot-resurs markaziga 2015 yilda markazlashgan mablag’lar asosida olingan kitoblar ro’yxati

13 fevral 2016 yil

“Ozodlik havosidan to‘yib nafas olgan xalq o‘z yo‘lidan hech qachon qaytmaydi” kitobini taqdimoti o‘tkazildi.

26 yanvar 2017 yil

O‘zbekiston Respublikasining birinchi Prezidenti, mustaqil O‘zbekiston davlatining asoschisi Islom Abdug‘aniyevich Karimovning asarlari ko‘rgazmasi tashkil etildi.

Axborot-resurs markaziga 2015 yilda markazlashgan mablag’lar asosida olingan kitoblar ro’yxati

13 fevral 2016 yil



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar

        

Manbalar