Foydali manbalar













OTM web-reytingi

“Internetdagi tahdidlardan himoya” nomli kitobning taqdimoti bo’lib o’tdi

Nizomiy nomidagi Chet tillar fakulteti 10-sonli TTJda “Internetdagi tahdidlardan himoya” nomli kitobning taqdimoti bo’lib o’tdi






Bugun biz axborot almashinuvi shiddat bilan rivojlanib borayotgan bir sharoitda yashayapmiz. Globallashuv deb atalmish murakkab bir jarayon natijasida dunyo ahli internet tarmog‘i orqali bir nuqtada birlashdi. Ko‘rib, bilib balki o‘zingiz ham bevosita qatnashib turibsiz, INTERNET bugun tasavvur qilib bo‘lmaydigan darajada masofalarni qisqartirdi, Haqiqatdan ham bugun internetdan foydalanuvchilar soni kundan-kunga ortib bormoqda. Xo‘sh, bu axborotlarning hammasi ham hayotimizga yangiliklar olib keluvchi, bizni mamlakatimizda va butun dunyoda ro‘y berayotgan turli voqea-hodisalardan boxabar qiluvchi, bir so‘z bilan aytganda, taraqqiyotga boshlovchi axborotlarmi? Bu savolga ha, shunday deb javob berish nihoyatda qiyin, balki noto‘g‘ridir. Sababi, ba’zi o‘rinlarda uning ortidan “ommaviy madaniyat”ning sovuq va chigal ko‘lankasi ham ko‘rinib qolmoqda. Tabiiy ushbu “qora ko‘lanka” ma’naviyatimizga zid, ming yillar davomida shakllangan dunyoqarashimizga salbiy ta’sir qiluvchi axboriy xurujlar sirasiga kiradi. Bugungi sog‘lom fikrlovchi davr kishisi mana shu ikki turdagi axborotni, ya’ni foydalidan foydasizni farqlay olishi uchun yetarli bilim va ko‘nikma hamda keng dunyoqarashga ega bo‘lishi kerak degan maqsadda, 2016 yil 12-fevral kuni 10-sonli TTJda yashovchi talabalar bilan chet tillar fakulteti ma’naviy-ma’rifiy ishlar bo‘yicha dekan muovini O‘.Murodov va fakultet xotin-qizlar boshlang‘ich tashkiloti raisi G.Kinjaeva , bino boshlig‘i B.Boyxonov, ARM mas’uli Sh.Ro‘zievalar hamkorligida Internetdagi tahdidlardan himoya” nomli kitobning taqdimoti tashkil etildi. Davra suhbatini dekan movini O‘.Murodov ochib berdi va “Movarounnahr” nashriyoti tomonidan nashr etilgan kitobning mazmun-mohiyatini talaba-yoshlarga yetkazib berdi. Shundan so‘ng G.Kinjaeva ham kitobning qisqacha mazmuni va undagi boblar to‘g‘risida talaba-qizlarga ma’lumot berdi va talabalar ham o‘z navbatida ushbu kitobga yuqori qiziqish bildirdilar va TTJda faoliyat ko‘rsatayotgan ARM dan olib o‘qishni maqsad qildilar. Tashkil etilgan davra suhbati barchani yana bir bor ogohlikka chaqirdi.

Fakultet xotin-qizlar boshlang‘ich tashkiloti raisi G.Kinjaeva

13 fevral 2017 yil, 3,618
.


Elektron ta`lim resurslari


Bizning loyihalar


©2018 Toshkent Davlat pedagogika universiteti .
Saytdagi ma'lumotlardan foydalanilganda saytga ilova ko`rsating.
Xato topsangiz e-mail:siteadmin@tdpu.uz xabar bering