Foydali manbalar













OTM web-reytingi

“Kadrlar tayyorlash milliy dasturi - “O‘zbek modeli”ning ajralmas qismi” mavzusida yosh olimlar va talabalarning ilmiy-amaliy konferensiyasi o‘tkazildi

Mustaqillik yillarida respublikamizda amalga oshirilgan ishlar asrlarga arzigulik mazmun va samara kasb etmoqda.






Ta’lim to‘g‘risidagi Qonun, Kadrlar tayyorlash Milliy Dasturlarida belgilangan maqsad va vazifalar bevosita yoshlarning har tomonlama komil inson sifatida kamol topishiga xizmat qiluvchi me’yoriy asos sifatida talqin qilinadi.

O‘zbekiston Respublikasi Vazirlar Mahkamasining “O‘zbekiston Respublikasi Prezidentining 1-oktyabr – “O‘qituvchi va murabbiylar kuni” munosabati bilan mamlakatimiz o‘qituvchi va murabbiylariga yo‘llagan tabrigida belgilab berilgan vazifalarni amalga oshirish yuzasidan kompleks chora-tadbirlar dasturi“ ishlab chiqilgan bo‘lib, unda hozirgi fan taraqqiyoti va global rivojlanish davrida ta’lim va fan integratsiyasi, ta’lim va tarbiyaning uzluksizligi hamda yoshlarni har tomonlama barkamol qilib tarbiyalashda pedagog va murabbiylarning o‘rni va rolini oshirishga qaratilgan muhim choralar

belgilab berilgan.

Mazkur chora-tadbirlar dasturining 1.9-bandi ijrosini ta’minlash maqsadida 2016 yil 15 mart kuni Toshkent davlat pedagogika universitetida “Kadrlar tayyorlash milliy dasturi - “O‘zbek modeli”ning ajralmas qismi” mavzusida yosh olimlar va talabalarning ilmiy-amaliy konferensiyasi tashkil etildi.

Konferensiyaning maqsadi iqtidorli, qobiliyatli va iste’dodli yosh olim va talabalarni aniqlash, ulardagi ijodiy qobiliyatlarning ro‘yobga chiqishiga ko‘maklashish va qo‘llab-quvvatlashdan iborat. Shuningdek, ularning ilmiy-ijodiy ishlari natijalarini ommalashtirish, ularda ilmiy-tadqiqot ko‘nikmalarini rivojlantirishga alohida e’tibor qaratiladi.

Konferensiyaning yalpi majisida yosh olimlrdan B.Xodjaev, M.Esonov, katta ilmiy xodim-izlanuvchilardan P.Ergashev, iqtidorli talabalardan A.Vaxobov, D.Akbarovalar va magistrantlardan Z.Bakievalar ma’ruza qildilar.

Konferensiyada respublikamizning turli ta’lim muassasalarida tahsil olayotgan 300 dan ortiq, katta ilmiy xodim-izlanuvchilar, yosh olimlar va iqtidorli talabalar ishtirok etdilar.

Konferensiya quyidagi seksiyalarda ish olib bordi:

1-seksiya: Ijtimoiy-gumanitar fanlar va ularni o‘qitish metodikasi.

2-seksiya: Tabiiy fanlar va ularni o‘qitish metodikasi;

3-seksiya: Aniq fanlar va ularni o‘qitish metodikasi.

Konferensiyada aniq va tabiiy fanlar sohasida fundamental tadqiqotlar olib borish, ilmiy ishlarning respublikamiz ilmiy tadqiqotlarining ustuvor yo‘nalishlariga mosligi, ijtimoiy-siyosiy institutlar faoliyati hamda ma’naviy barkamol shaxs tarbiyasi kabi masalalar qizg‘in ilmiy munozaralarga sabab bo‘ldi.

Konferensiya ishtirokchilarining ma’ruzalari to‘plam sifatida chop etildi va keng jamoatchilik vakillari tomonidan qizg‘in muhokama etilmoqda.

Konferensiya jarayonida respublikamiz yosh olimlarining ilmiy natijalari yuzasidan ko‘rgazmalar tashkil etildi, yangi nashr etilgan monografiyalar va kitoblar taqdimotlari o‘tkazildi. Shuningdek, tashkiliy qo‘mita tomonidan konferensiya ishtirokchilari uchun ma’naviy-ma’rifiy tadbirlar ham tashkil etildi.

15 mart 2017 yil, 3,575
Abdullayeva B.S.


Elektron ta`lim resurslari


Bizning loyihalar


©2018 Toshkent Davlat pedagogika universiteti .
Saytdagi ma'lumotlardan foydalanilganda saytga ilova ko`rsating.
Xato topsangiz e-mail:siteadmin@tdpu.uz xabar bering