XTQTXMOM     library     Majmua     eDarslik     asofaviy ta`lim     Pedagog     Ota-onalarga     Kirish          

“Fuqarolarning noqonuniy mehnat migratsiyasi hamda yashash joyidan uzoq muddatga ketishlarini oldini olish” nomli mavzuning mazmun-mohiyatini tushuntirish to‘g‘risidagi davra suhbati

13 aprel 2016 yil, 2,644
.

Nizomiy nomidagi TDPU Axborot texnologiyalari kafedrasi mudiri p.f.n., dotsent L.M.Nabiulina, Yakkasaroy tumani IIB HOOB inspektori podpolkovnik N.A.Muinova va IIB TB mayor Sh.A.Mirkomilov, mayor N.G. Muxammadjonov, kapitan S.M.Dexqonov, O‘zbekiston Respublikasi IIV Akademiyasi huquqbuzarliklar profilaktikasi kafedrasi katta o‘qituvchisi mayor A.S.Vahidov,mayor S.Xo‘jakulov, teskor-qidiruv huquq kafedrasi o‘qituvchisi katta leytenant A.K.Giyasov, dastlabki tergov va kriminalistika kafedrasi o‘qituvchisi kapitan S.G‘. Razzoqovlar va O‘zbekiston Respublikasi IIV Akademiyasi 4-o‘quv kursi tinglovchilari, universitet o‘qituvchilari va 160 nafar talabalari “Fuqarolarning noqonuniy mehnat migratsiyasi hamda yashash joyidan uzoq muddatga ketishlarini oldini olish” nomli mavzuning mazmun-mohiyatini tushuntirish bo‘yicha davra suhbati bo‘lib o‘tdi.

Davra suhbatini Axborot texnologiyalar kafedrasi mudiri p.f.n., dotsent L.M.Nabiulina kirish so‘zi bilan ochib, yig‘ilganlarga kun tartibidagi masalarlarni o‘qib eshittirgan holda so‘zni O‘zbekiston Respublikasi IIV Akademiyasining professor-o‘qituvchilari hamda tinglovchilariga berdi.

O‘zbekiston Respublikasi IIV Akademiyasining Huquqbuzarliklar profilaktikasi katta o‘qituvchisi mayor A.S.Vahidov, mayor S.Xo‘jakulov, tezkor-qidiruv huquq kafedrasi o‘qituvchisi katta leytenant A.K.Giyasov, dastlabki tergov va kriminalistika kafedrasi o‘qituvchisi kapitan S.G‘. Razzoqovlar so‘zga chiqib: Prezidentimiz Islom Karimovning «Yuksak ma’naviyat – yengilmas kuch» asari inson kamolotining yuksalishiga, ma’naviy olami, dunyoqarashining kengayishiga katta ta’sir ko‘rsatadi, shuningdek ma’naviyatga qaratilgan xurujlarni atroflicha fikr yuritish, xalqimiz yangi hayot, yangi jamiyat asoslarini qurayotgan hozirgi murakkab va tahlikali zamonda odamlarni bunday xatarlardan ogoh etish, el-yurtimiz, keng jamoatchilik e’tiborini bu masalalarga yana bir bor qaratish, kelajak avlodimizni sog‘lom va barkamol etib tarbiyalash bilan bog‘liq vazifalarni aniq belgilab olish borasidagi qilinayotgan ishlar bo‘yicha ma’lumotlar berdi.

Shundan so‘ng, O‘zbekiston Respublikasi IIV Akademiyasining 4–o‘quv kursi tinglovchisi D.X.Xolmirzaev so‘zga chiqib: Prezidentimiz Islom Karimovning 2014 yil 6 fevraldagi «O‘zbekiston Respublikasi yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida»gi qarorida mamlakatimizda amalga oshirilayotgan keng ko‘lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan, zamonaviy ilm-fan yutuqlarini puxta o‘zlashtirgan har tomonlama sog‘lom va barkamol avlodni voyaga yetkazishga qaratilgan yoshlarga oid davlat siyosatini izchil amalga oshirishda bugungi kun yoshlari dunyoda bo‘layotgan o‘zgarishlar va fan-texnika sohasidagi barcha bilimlarga ega bo‘lishi xaqida ma’lumotlar berildi.

O‘zbekiston Respublikasi IIV Akademiyasining 4–o‘quv kursi tinglovchisi T.S.Abduqodirov so‘zga chiqib: globallashuv sharoitida O‘zbekiston Respublikasining chet el davlatlari bilan o‘zaro hamkorlik aloqalarining yaxshilanganligi fuqarolarning turli masalalarda xorijiy mamlakatlarga borib-kelishlarini haqida gapirildi.

Shundan keyin O‘zbekiston Respublikasi IIV Akademiyasi professor-o‘qituvchilari hamda 4-o‘quv kursi tinglovchilari davra suhbatini davom ettirishib ma’ruza yuzasidan o‘z fikr va mulohazalarini bildirishdi.

So‘ngra yig‘ilish raisi L.M.Nabiulina so‘zni davom ettirib, biz uchun mustaqillik–davlatchiligimizni mustahkamlash, buyuk kelajagimizning poydevorini qurish, milliy ongimiz va faxrimizni yuksaltirish, jahon hamjamiyatida munosib o‘rnimizni egallash ekanligini ta’kidlagan holda yig‘ilishga yakun yasab yig‘ilish qatnashchilariga mavzu yuzasidan o‘zlarini qiziqtirgan savollar bo‘lsa berishlarini bildirdi.

Davra suhbatida ishtirok etganlar qator savollar bilan murojaat qilib savollarga yetarlicha javob berildi.

13 aprel 2016 yil, O`qilgan :2644



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar