XTQTXMOM | Ilmiy kutubxona | eDarslik | Masofaviy ta`lim | Pedagog | Ota-onalarga | Kirish          

ГЕРМАНИЯЛИК АМАЛИЁТЧИ ЧЕТ ТИЛЛАР ФАКУЛЬТЕТИДА

Чет тиллар факультетининг Германия университетлари билан йўлга қўйилган алмашув дастури асосида Германиялик амалиётчи 2016 йил
4 сентябрдан 7 октябргача факультетда амалиёт ўтади.

Ўзбекистон Республикаси Президентининг 2012 йил 10 декабрдаги “Чет тилларни ўрганиш тизимини янада такомиллаштириш чора-тадбирлари тўғрисида”ги Қарори таълим муассасаларида хорижий тилларни ўқитиш сифатини янада яхшилашга ҳамда замонавий дунёқарашга эга авлодни тарбиялашда муҳим восита бўлмоқда. Хорижий тилларни ўқитишда кадрлар салоҳияти муҳим аҳамиятга эга. Чунки ўз фанини чуқур биладиган, изланувчан, тажрибали ўқитувчиларгина яхши таълим беради ва ўз билимини ўқувчиларга етказа олади. Чет тиллар факультетида 2016 йил 4-сентябрдан шу йилнинг 7-октябрига қадар Германия давлатидан ташриф буюрган ёш педагог Ёҳанна Майер ўз педагогик амалиётини ўтади. Ёҳанна Майер немис тили ва адабиёти таълим йўналишида таҳсил олаётган талабаларга дарс машғулотлари олиб бораётган ўқитувчилар С.Ҳ.Назаров ва Г.С.Кинжаевалар билан ҳамкорликда бир қатор очиқ дарс машғулотлари ташкил этди. Ўтказилган дарс машғулотларида “Германия ва Ўзбекистоннинг таълим тизими”, “Die Ausbildung von Deutschland und Usbekistan”, “Германиянинг ва Ўзбекистоннинг байрамлари ва анъаналари”, “Sitten und Bräuche der deutschen und usbekischen Volkern” каби қатор мавзулар бўйича қизиқарли ва самарали тарзда олиб борилди. Машғулотлар ташкил қилиш жараёнида асосий шаклларни ташкил қилувчи 4 та кўникмага: ўқиш, ёзув, тинглаб тушуниш ва гапиришга эътибор қаратилди. Ушбу илм даргоҳида ўз педагогик амалиёти ниҳоясида 2016 йил 7 октябрь куни Ёҳанна Майернинг факультет раҳбарияти, кафедра ўқитувчилари ва талабалари билан хайрлашуви ташкил этилди. Германиялик меҳмонга факультет декани О.Н.Юсупов томонидан эсдалик совғаси ва сертификат топширилди. Ўз навбатида Майерхоним ҳам университет ва факультет раҳбариятига ўз миннатдорчилигини билдирди. Факультет талабалари Ёҳанна Майерга ўзларининг эсдалик совғаларини топширдилар ҳамда ўз миннатдорчиликларини билдирдилар.

11 oktyabr 2016 yil, 1,957
.


Bizning loyihalar


©2018 Toshkent Davlat pedagogika universiteti
Saytdagi ma'lumotlardan foydalanilganda saytga ilova ko`rsating
Xato topsangiz e-mail:siteadmin@tdpu.uz xabar bering