library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

17 oktyabr 2016 yil, 1,628
.

10-sonli talabalar turar joyida chet tillar fakulteti dekanining talabalar bilan navbatdagi uchrashuvi o‘tkazildi

Nizomiy nomidagi TDPU Chet tillar fakulteti dekani O.N.Yusupov 2016 yil 10-oktyabr kuni 10-sonli talabalar turar joyida fakultet talabalari bilan navbatdagi uchrashuvini o‘tkazdi.

Talabalar turar joyida yashovchi barcha fakultet talabalari 4-qavatdagi “Ma’naviyat va ma’rifat xonasi”da to‘plandilar. Unda buyuk davlat arbobi, ulug‘ siyosatchi va komil inson sifatida xalqimiz orasida va butun dunyoda alohida hurmat qozongan O‘zbekiston Respublikasining Birinchi Prezidenti Islom Karimov xotirasiga bag‘ishlab suhbat o‘tkazildi. Shuningdek, talabalarga “My First President” mavzusida insholar yozib O‘zbekiston Respublikasi Oliy va o‘rta maxsus ta’lim vazirligi tomonidan tashkillashtirilgan respublika miqyosidagi insholar tanlovida ishtirok etish lozimligi to‘g‘risida tushuntirish ishlari olib borildi. Maqola yozish bo‘yicha talabalarga tegishli tavsiya va maslahatlar berildi. Maqola yozish jarayonida yuzaga keladigan savollar bo‘yicha fakultet dekani va tajribali professor-o‘qituvchilarga murojaat qilish mumkinligi haqida ko‘rsatmalar berildi.

Shuningdek, tadbirga universitet rektori Sh.S.Sharipov, ma’naviy-ma’rifiy ishlar bo‘yicha prorektor O.A.Qo‘ysinov, moliyaviy-iqtisodiy ishlar bo‘yicha prorektor A.A.Mo‘minovlar tashrif buyurishdi. Universitet rahbarlarining talabalar bilan uchrashuvi doirasida suhbat o‘tkazildi. Unda talabalar turar joyida yaratilgan shart-sharoitlar, mavjud jihozlarni asrab-avaylash, talabalarning universitet ichki-tartib qoidalariga rioya qilishlari hamda mavjud kamchiliklarni bartaraf etish chora-tadbirlari to‘g‘risida so‘z yuritildi. Talabalarning yashash sharoitlarini yanada yaxshilash bo‘yicha taklif va mulohazalari tinglandi hamda universitet rektori tomonidan mutasaddi xodimlarga tegishli vazifalar berildi. O‘tkazilgan tadbir va rahbariyat bilan uchrashuv yuqori saviyada o‘tdi.

17 oktyabr 2016 yil, O`qilgan:1628



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar