|   library.tdpu.uz   |   majmua.tdpu.uz   |   eDarslik.tdpu.uz   |   asofaviy ta`lim   |   Pedagog   |   Ota-onalar uchun   |   Kirish   |      


1 dekabr – xalqaro OITS ga qarshi kurashish kuni

Nizomiy nomidagi TDPU Kasb ta’limi fakultetida 2016 yil 29 noyabr kuni
1 dekabr – xalqaro OITS ga qarshi kurashish kuniga bag‘ishlangan tadbir
bo’lib o’tdi

Kasb ta’limi fakultetida 2016 yil 29 noyabr kuni 1 dekabr – xalqaro OITS ga qarshi kurashish kuniga bag‘ishlangan tadbir bo‘lib o‘tdi. Fakultet asosiy kirish qismida talabalar ijodidagi mavzuga oid, tarbiyaviy ahamiyatga ega devoriy gazetalar bilan bezatildi. Tadbirga Ibn Sino salomatlik maskani ma’rifat bo‘limi raxbari S.O.Safarova hamda Xayot faoliyati xavfsizligi kafedrasi mudiri G.S.Ergashevalar so‘zga chiqib OITS butun dunyoda eng dolzarb muammolardan biri hisoblanadi. OITS (orttirilgan immunitet tanqisligi sindromi) OIV (orttirilgan immuntanqisligi virusi) infeksiyasining oxirgi bosqichi hisoblanadi. Bu odamning immunitet tizimini ishdan chiqaruvchi va kasalliklar oldida himoyasiz qilib qo‘yadigan darddir. OIV uch xil – parenteral, jinsiy va vertikal yo‘l bilan yuqadi. Parenteral yo‘l teri va shilliq qavatning shikastlanishi orqali yuqadigan jarayonni o‘z ichiga oladi. Masalan, giyohvand vositalarni tomir orqali oluvchilar, badanlariga tatuirovka chizdirishga qiziqadiganlar, kosmetologik yoki boshqa xizmatlardan foydalanuvchilar sterillanmagan asboblar orqali infeksiyani bevosita parenteral yo‘l bilan yuqtirib olishlari mumkin. Ta’kidlash kerakki, jinsiy yo‘l bilan yuqish faqat OIV infeksiyasiga xos emas. O‘ttizdan ortiq boshqa kasalliklar ham jinsiy yo‘l bilan yuqishi mumkin. Uchinchi yo‘l – vertikal, ya’ni kasallikning onadan bolaga yuqishi. Orttirilgan immuntanqisligi virusi inson organizmiga tushgandan so‘ng o‘n yil davomida ham klinik belgilar namoyon bo‘lmasligi mumkin. Shuning uchun bu kasallikni yuqtirganlar aksariyat hollarda buni sezmaydilar. Virus organizmning immun tizimini ishdan chiqargandan keyin, muayyan bir kasalliklar, masalan, zotiljam, sil, har xil kandidozlar, ichak infeksiyalari va boshqa infeksiyalar xurujini organizm yengolmay qolgach, bemor shifoxonaga o‘sha kasalligi bo‘yicha murojaat qilganida, OIVga chalingani ayon bo‘ladi. OIV infeksiyasining OITS kasalligiga aylanishida yuz beradigan o‘zgarishlar – tana haroratining ko‘tarilishi, surunkali terlash, limfa tugunlarining kattalashishi, ishtahaning yo‘qolishi, ozib ketish, holsizlanish, terida toshmalarning paydo bo‘lishi, ichning muntazam ravishda buzilishi va boshqa shunga o‘xshash klinik belgilar immunitetning susayganidan darak beradi. OIV infeksiyasiga chalingan odamning umrini sog‘lom odamning umrichalik cho‘zish mumkin. Buning uchun u doimiy ravishda shifokor nazoratida bo‘lishi zarur deb o‘z so‘zini yakunladi. Tashrif buyurgan mexmonlarga fakultet raxbariyati tomonidan minnatdorchilik bildirildi.

Kasb ta’limi fakulteti ma’naviy-ma’rifiy

ishlar bo‘yicha dekan muovini: R.R.Jabborov

3 dekabr 2016 yil, O`qilgan:505

Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


  • Pedagogikadan savol

    Metodologiya nima?

    Javob: Metodologiya – metod haqidagi ta`limot yoki metodlar nazariyasi

So`nggi yangiliklar

Foydali manbalar




Đĺéňčíă ÂÓÇîâ




Bizning loyihalar




        
2017-03-27 23:30:58