|   library.tdpu.uz   |   majmua.tdpu.uz   |   eDarslik.tdpu.uz   |   asofaviy ta`lim   |   Pedagog   |   Ota-onalar uchun   |   Kirish   |      


Konstitutsiya-asosiy qomusimiz

Nizomiy nomidagi TDPU 5-talabalar turar joyida O‘zbekiston Respublikasi Konstitutsiyasini qabul qilinganligini 24 yilligiga bag‘ishlangan davra suxbati bo‘lib o‘tdi.

Nizomiy nomidagi TDPU 5-talabalar turar joyida 2016 yil 9 dekabr kuni O‘zbekiston Respublikasi Konstitutsiyasini qabul qilinganligini 24 yilligiga bag‘ishlangan davra suxbati bo‘lib o‘tdi. Davra suxbatida universitet ma’naviy-ma’rifiy ishlar bo‘yicha prorektor O.A.Qo‘ysinov, Ijtimoiy iqtisodiy fanlar kafedrasi o‘qituvchisi Nizomiddin Tangirov, Kasb ta’limi fakulteti ma’naviy-ma’rifiy ishlar bo‘yicha dekan muovini R.Jabborov, Muhandislik grafikasi va uni o‘qitish metodikasi kafedrasi o‘qituvchisi K.Malikov hamda talabalar ishtirok etishdi. Tadbirda ma’naviy-ma’rifiy ishlar bo‘yicha prorektor O.A.Qo‘ysinov so‘zga chiqib Mustaqil O‘zbekistonning shonli tarixiy solnomasida 1992 yil 8 dekabr sanasi ulkan siyosiy voqea bo‘lib muhrlandi. Yangi suveren va demokratik davlat maqomini konstitutsiyaviy jihatdan mustahkamlash zarurati bilan, xalqimizning xohish-irodasini o‘zida mujassam etgan, O‘zbekiston Respublikasining Konstitutsiyasi aynan shu sanada qabul qilindi.Tarixdan ma’lumki, Prezidentimiz Islom Abdug‘anievich Karimov 1990 yil mart oyida bo‘lib o‘tgan o‘n ikkinchi chaqiriq O‘zbekiston Respublikasi Oliy Kengashi birinchi sessiyasida Respublikamizda qaror topadigan yangi konstitutsiyaviy tuzumning huquqiy maqomini belgilab beruvchi mustaqil o‘zbek davlatining konstitutsiyasini ishlab chiqish zarurligi to‘g‘risidagi olamshumul g‘oyani olg‘a surdi. Davlatimiz rahbari mazkur tadbirda so‘zlagan nutqida mustaqil O‘zbekistonning siyosati - insoniylik va ezgulik qonunlariga asoslanishi, fuqarolar osoyishtaligi va milliy murosa siyosati bo‘lib qolajagini oldindan ochiq-oydin ko‘ra bilgan edilar. Konstitutsiya loyihasini tayyorlashda respublikamizning eng taniqli olimlari, siyosatchilari, huquqshunoslari, ziyolilari va boy hayotiy tajribaga ega bo‘lgan fuqarolari ishtirok etdi. Ikki bor umumxalq muhokamasidan o‘tkazilib qabul qilingan deb o‘z so‘zini yakunladi. Hamda yig‘ilgan qizlarga O‘zbekiston Respublikasi Konstitutsiyasini qaysi moddasida xotin-qizlar xaqida yozilgan degan savol bilan murojat qildi. Bu savolga qizlar Konstitutsiyamizni 46 moddasida yozilgan ya’ni Xotin-qizlar va erkaklar teng xuquqlidirlar deb javob berishdi. So‘z navbati Ijtimoiy iqtisodiy fanlar kafedrasi o‘qituvchisi Nizomiddin Tangirovga berildi. Nizomiddin Tangirov so‘zga chiqib O‘zbekiston Respublikasi Konstitutsiyasi nafaqat xalqaro huquqning umume’tirof etilgan tamoyillari, ayni chog‘da, maqtansa maqtangulik milliy qadriyat va anan’anlarimizni ham o‘zida to‘laqonli mujassam etolgani tufayli o‘sha kezlardayoq xalqaro ekspertlarning e’tiborini tortdi. Darhaqiqat, mustaqil O‘zbekistonning Konstitutsiyasi dunyoning mashhur huquqshunoslari va davlatshunoslari e’tirof qilganidek, dunyodagi eng maqbul va mukammal tuzilishga ega konstitutsiyalardan biri bo‘lib, u o‘zida o‘zbek davlatchiligining ko‘p asrlik tarixiy tajribasini, rivojlangan davlatlar konstitutsiyaviy amaliyotining asosiy tamoyillarini, milliy va umuminsoniy qadriyatlarni hamda xalqaro huquq normalarini to‘la mujassamlashtirgan.6 ta bo‘lim, 26 ta bob, 128-moddadan iborat Asosiy Qonunimiz sodda va tushunarli tarzda bayon e’tilgani va milliy xususiyatlari bilan boshqa davlatlarning Konstitutsiyalaridan ajralib turadi. Muhimi, oliy yuridik maqomga ega Konstitutsiyamiz davlatimizning mustaqil va bo‘linmasligini, chegaralarimiz daxlsizligini, eng asosiysi, inson huquqlari oliy qadriyat ekanligini huquqiy jihatdan kafolatlab beradi. G‘urur bilan aytish mumkinki, mazkur qonun hujjatining barcha normalari amalda izchillik bilan tatbiq etib kelinmoqdaki, bu jihat uning naqadar hayotiyligidan dalolatdir.Konstitutsiyamizda davlat organlari va mansabdor shaxslarning jamiyat va fuqarolar oldida mas’ul ekanligi, fuqarolar manfaatining ustuvorligi, ya’ni birlamchiligi qonuniy ravishda mustahkamlangan bo‘lib, uning maqsad va mohiyati insonga munosib hayot sharoitlarini yaratish, uni baxtli qilishdan iborat.Konstitutsiyamizning mazmun-mohiyati, maktabgacha ta’lim muassasalaridan boshlab oliy o‘quv yurtlarida ham alohida qiziqish bilan o‘rganilayotgani bejiz emas.. Bu yosh avlodda vatanparvarlik, yurtga sadoqat hissini oshiribgina qolmay, asosiy Qonunimizning tom ma’nodagi huquqiy qalqon ekanini anglab yetish imkonini yaratadi. Albatta, bu borada davlatimiz Rahbarining 2001 yil 4 yanvardagi “O‘zbekiston Respublikasi Konstitutsiyasini o‘rganishni tashkil etish to‘g‘risida”giFarmoyishi asosiy huquqiy-normativ hujjat bo‘lib xizmat qilmoqda deb o‘z so‘zini yakunladi.

10 dekabr 2016 yil, O`qilgan:609

Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


  • Pedagogikadan savol

    Kundalik hayotimizdagi maqsadga yo`naltirilgan xususiy bilish faoliyati …. ta`lim turiga kiradi.

    Javob: Informal

So`nggi yangiliklar

Foydali manbalar




Ðåéòèíã ÂÓÇîâ




Bizning loyihalar