|   library.tdpu.uz   |   majmua.tdpu.uz   |   eDarslik.tdpu.uz   |   asofaviy ta`lim   |   Pedagog   |   Ota-onalar uchun   |   Kirish   |      


Dekanat haqida

DEKAN

Yuzlikayeva Elzara Reshatovna

Yuzlikaeva Elzara Reshatovna 2000 yilda Nizomiy nomidagi Toshkent Davlat pedagogika universitetining Biologiya bakalavriat ta’lim yo’nalishini, 2002 yilda magistraturaning Biologiya mutaxassisligini imtiyozli diplomlar bilan tugatdi. Talabalik yillaridayoq u ilmiy ishga layoqatliligi bilan ajralib turdi. Talabalar ilmiy konferentsiyalarida ma’ruzalar bilan qatanashib keldi. “Pedagogik ta’lim” ilmiy jurnalida maqolalar chop ettirdi.

O’z mehnat faoliyatini 2002 yilda Nizomiy nomidagi Toshkent davlat pedagogika institutining Umumiy pedagogika kafedrasida o’qituvchi lavozimida boshladi. “Ijtimoiy pedagogika” va “Pedagogik mahorat” fanlaridan amaliy mashg’ulotlar olib borish jarayonida o’zining izlanuvchanlik, tajriba-sinov ishlarini tashkil qilish va o’tkazishga qiziqish kabi fazilatlari bilan jamoa e’tiborini qozondi.

2002-2005 yillarda Nizomiy nomidagi Toshkent Davlat pedagogika universiteti aspiranturasida o’qidi. 2004 yilda universitetda o’tkazilgan “Eng yaxshi aspirant” tanlovi g’olibi bo’ldi. 2005 yilda Sankt-Peterburg shahrida o’tkazilgan “Obrazovanie cherez vsyu jiznü” xalqaro ilmiy-amaliy konferentsiyada ma’ruza bilan qatnashdi va diplom bilan taqdirlandi.

2006 yildan Umumiy pedagogika kafedrasi katta o’qituvchisi lavozimida ishlagan. “Pedagogika nazariyasi va tarixi” hamda “Ijtimoiy pedagogika” fanlaridan ma’ruzalar o’qish bilan birga ilmiy izlanishlarini davom ettirdi.

2007 yilda 13.00.01– Pedagogika nazariyasi va tarixi ixtisosligi bo’yicha “Oliy ta’lim tizimida shaxsga yo’naltirilgan ta’lim jarayonida pedagogik monitoring (pedagogik fanlar materiallari asosida)” mavzusida nomzodlik dissertatsiyasini muvaffaqiyatli himoya qildi. 2008 yilda OAK dotsent ilmiy unvoniga ega bo’ldi.

2007 yilda Nizomiy nomidagi Toshkent Davlat pedagogika universitetining doktoranturasiga qabul qilindi. Pedagogik tashhis muammolari bilan shug’ullandi. Mazkur muammoga doir 30 dan ortiq, jumladan xorijiy jurnallarda ilmiy maqola e’lon qildi. Respublika va xalqaro ilmiy konferentsiyalarida ma’ruzalar bilan qatnashib keldi.

2010 yil dekabrü oyidan boshlab, Yuzlikaeva E.R. Umumiy pedagogika kafedrasi mudiri lavozimida faoliyat ko’rsatmoqda.

E.R.Yuzlikaeva Kadrlar tayyorlash milliy dasturini hayotga tatbiq qilish borasida faollik ko’rsatib keladi. 2012 yil dekabrida universitetda o’tkazilgan “Kadrlar tayyorlash milliy modeli va dasturi: “Islom Karimov modeli” – O’zbekiston mustaqilligining yuksak yutug’i va natijasi” mavzusidagi ilmiy seminarda ma’ruza bilan qatnashdi. SHu nomdagi o’quv qo’llanmaga hammualliflik qildi.

Uning rahbarligida kafedrada o’quv-tarbiya jarayoni tubdan yangilandi. Kafedrada o’qitiladigan barcha fanlar bo’yicha bugungi kun talablari darajasida o’quv-metodik majmualar yaratildi. O’quv adabiyotlarining yangi avlodini yaratish ustida katta ishlar qilindi. Bugungi kunga kelib, kafedrada o’qitiladigan barcha fanlar bo’yicha darsliklar yaratildi va O’zbekiston Respublikasi Oliy va o’rta maxsus ta’lim vazirligi guvohnomalari olindi.

E.R.Yuzlikaevaning kafedra mudiri sifatidagi faoliyati yuqori reyting ballariga loyiq topildi, u rahbarlik qiladigan kafedra universitetda faoliyat yuritayotgan 52 kafedra orasida birinchi o’rinni egalladi.

Kafedrada yaratilgan uchta darslik 2012 yilda respublika o’quv adabiyotlari tanlovida birinchi o’ringa munosib topildi. Kafedra akademik litsey va kasb-hunar kollejlari, umumiy o’rta ta’lim maktablari bilan yaqindan aloqa o’rnatgan. Kafedrada pedagogik kollejlar uchun yaratilgan “Pedagogika” darsligi nashrga topshirildi. Kafedrada ikkita innovatsion grant doirasida ilmiy izlanishlar olib borilmoqda.

E.R.Yuzlikaeva 2012 yil iyunida “O’qituvchini tashhis faoliyatiga tayorlash nazariyasi va amaliyoti” mavzusida doktorlik dissertatsiyasini muvaffaqiyatli himoya qildi. Tadqiqot doirasida “Diagnosticheskaya deyatelünostü uchitelya v sovremennoy teorii i praktike yego rabotű”, “Sovremennűe pedagogicheskie texnologii v podgotovke buduůix spetsialistov” nomli 2 monografiya va 20 dan ortiq ilmiy maqola chop ettirdi. Malakaviy xarakteristika (kompetentlik) monitoringi sifat ko’rsatkichlarini baholash dasturiga O’zbekiston Respublikasi intellektual mulk agentligining patentini olishga muyassar bo’ldi.

E.R.Yuzlikaeva 2012 yildan “Tempus” xalqaro tashkiloti TuCAHEA “Markaziy Osiyo oliy ta’lim kengiligini yaratish yo’lida struktural adaptatsiya va ta’lim sifatini oshirish” loyihasining universitet bo’yicha koordinatori sanaladi.

E.R.Yuzlikaeva ilmiy-pedagogik kadrlar tayyorlash masalasiga alohida e’tibor qaratib keladi. Bugungi kunda 2 katta ilmiy xodim va 4 mustaqil tadqiqotchiga ilmiy rahbarlik qilib kelmoqda. “Ustoz-shogird” tizimi asosida bakalavriat va magistraturaning o’nlab talabalari bilan faoliyat olib bormoqda.

E.R.Yuzlikaeva 3 darslik, 5 o’quv va 9 metodik qo’llanma, xorijiy va respublika ilmiy jurnallari, to’plamlarda nashr etilgan 100 dan ortiq ilmiy hamda uslubiy maqolalar muallifi. Ilmiy va uslubiy ishlari asosida tayyorlangan mazmunli ma’ruzalari bilan universitet va kafedraning ilmiy-uslubiy konferentsiyalarida, respublika miqyosida o’tkaziladigan ilmiy-amaliy anjumanlarda faol qatnashib kelmoqda.

Jumladan, 2012 yilda Toshkent shahrida o’tkazilgan “Yuksak bilimli va intellektual rivojlangan avlodni tarbiyalash – mamlakatni barqaror taraqqiy ettirish va modernizatsiya qilishning eng muhim sharti” xalqaro konferentsiyasida ishtirok etdi.

2013 yil 22-23 yanvarida o’tkazilgan “O’zbekiston Respublikasida yoshlar siyosatini amalga oshirishning dolzarb masalalari” mavzusidagi respublika ilmiy-amaliy anjumani yalpi majlisida “Barkamol avlodni tarbiyalashda OAV roli” mavzusida ma’ruza qildi. Uning ma’ruzasi eng yaxshi deb topildi va diplom hamda qimmatli sovg’a bilan taqdirlandi.

2013 yildan hozirgi kungacha Tabiiy fanlari fakulteti dekani lavozimida ishlab kelmoqda.

E.R.Yuzlikaeva universitetning ijtimoiy hayotida faol qatnashib keladi. U universitet “Yosh olimlar kengashi” a’zosi. Universitet xotin-qizlar kengashi tadbirlarini tashkil qilish va o’tkazishda yaqindan yordam berib keladi. Talabalar turar joylarida pedagogika fanining bugungi muammolari, odob-axloq, kasb madaniyati va boshqa hayotiy mavzularda ma’ruzalar, davra suhbatlari va boshqa qiziqarli tadbirlar o’tkazishda faollik ko’rsatib keladi.

E.R.Yuzlikaeva o’z ishiga mas’uliyat bilan yondashadi, topshirilgan vazifalarni ijodkorlik bilan bajarishga intiladi. Tirishqoqligi, o’zi va atrofdagilarga nisbatan talabchanligi, hamkasb va talabalarga nisbatan xayrixohligi, namunali xulqi bilan jamoa va talabalar o’rtasida hurmat-etibor qozongan.

E.R.Yuzlikaeva oilali, ikki farzandning onasi.

O`QUV ISHLARI BO`YICHA DEKAN MUOVINI

Berdiqulov Ravshanjon Shavkatovich

Berdiqulov Ravshanjon SHavkatovich – 2006 yil TDPU Tabiiyot fanlari fakulüteti kimyo va ekologiya ta’lim yo’nalishini imtiyozli diplom bilan yakunlab, 2009 yil Kimyo mutaxassisligi magistraturasini tamomladi va shu yildan boshlab kafedrada assitent-o’qituvchi(2009-2011), o’qituvchi lavozimida (2011 yildan xozirgi kunga qadar) faoliyat yuritib kelmoqda. R.SH.Berdiqulov talabalik vaqtidan boshlab kimyo ta’limiga axborot texnologiyalarini tadbiq qilish masalasi ustida ilmiy izlanish olib bordi. Uning bakalavrlik va magistrlik dissertatsiyasi aynan shu yo’nalishda bo’lib, samarali natijalarni oldi hamda amaliyotga joriy qildi. Izlanish davomida 2 ta elektron o’quv qo’llanmaga xammualliflik asosida O’zbekiston respublikasi guvoxnomasini oldi, 12 ta ilmiy maqola, 18 ta tezislarni nashr ettirdi. Bugungi kunda Ravshan Berdiqulov “Ta’limni modernizatsiyalash sharoitida kimyo o’qituvchilarining deduktiv taxlil ko’nikmalarini shakllantirish texnologiyalari” mavzusida doktorlik dissertatsiyasini ximoya qilish maqsadida ilmiy izlanish olib bormoqda. Izlanish natijasida oliy ta’lim vazirligi grifi asosida 1 ta o’quv qo’llanma, 3 ta metodik qo’llanma, xalqaro ilmiy jurnallarda 2 ta, respublika ilmiy jurnallarida 3 ta ilmiy maqolalar va bir nechta tezislar nashr ettirdi. U pedagogik faoliyatida ham yaxshi natijalarni qayd etib kelmoqda. Jumladan, respublika miqyosida 2012-2014 yillarda o’tkazilgan ko’chma seminar-treninglarda faol ishtirok etib, 3 marta Oliy va o’rta maxsus ta’lim vazirligi tomonidan maqtov yorlig’i va viloyatlar boshqarmalari tomonidan bir necha marotaba tashakkurnoma hamda faxriy yorliqlar oldi.

Oilali, 3 nafar farzandi bor.

13 dekabr 2016 yil, O`qilgan:283

Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :
  • Pedagogikadan savol

    Iqtidorli talabalarni maqsadli tayyorlash yo`llari nimalardan iborat?

    Javob: Barcha javoblar to`g`ri.

So`nggi yangiliklar

Foydali manbalar




Đĺéňčíă ÂÓÇîâ




Bizning loyihalar