library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

29 dekabr 2016 yil, 778
.

70 yosh muborak ustoz!!!!

U 1968 yildan beri Nizomiy nomidagi Toshkent davlat pedagogika universitetida samarali mexnat qilib kelmoqda. Umumiy ish staji 52 yil, shundan ilmiy pedagogik staji 47 yil.

2005 –yildan 2012 –yilgacha Texnika fanlari doktori, professor SH.M. Mirkomilov kafedraga rahbarlik qildi.

U 1968 yildan beri Nizomiy nomidagi Toshkent davlat pedagogika universitetida samarali mexnat qilib kelmoqda. Umumiy ish staji 52 yil, shundan ilmiy pedagogik staji 47 yil.

1977 yilda Sankt-Peterburgda (Leningrad) aspiranturani о‘qib, muddatdan oldin nomzodlik dissertatsiyasini, 1997 yilda doktorlik dissertatsiyasini muvofaqqiyatli ximoya qildi. Tabiiy polimerlar kimyosi va texnologiyasi xamda kimyo о‘qitish metodikasi bо‘yicha kimyo fanlarini о‘qitishda innovatsion hamda axborot texnologiyalarining joriy qilinishi bо‘yicha yangi pedagogik texnologiyalarni qо‘llash va yaratish yо‘nalishi bо‘yicha ilmiy ishlar olib bormoqda. Olimning ilmiy ishi paxta tozalash sanoati chiqindisi va g‘о‘zapoya xom-ashyosidan sifatli sellyuloza olish, undan mikrokristallik sellyuloza va uning gelini olish, xossalarini о‘rganish va texnologiyasini ishlab chiqarishga tatbiq etishga bag‘ishlangan. Bu sohalar bо‘yicha u 200 dan ortiq ilmiy ish, jumladan: 2 ta darslik, 4 ta о‘quv qо‘llanma va 10 metodik qо‘llanma 15 ta mualliflik guvoxnomasi va 6 ta О‘zbekiston respublikasi patenti muallifi. Ilmiy maqolalar, tezislari mahalliy va chet ellarda nashr etiladigan ilmiy jurnallar, simpozium va konferensiyalar tо‘plamlarida chop etilgan.

U respublika va xalqaro anjumanlarning faol qatnashchilaridan biridir. Uning rahbarligida fakultetda birinchi xо‘jalik shartnomalar tuzildi.1979-81 yillarda Rossiyaning Arxangelsk shahridagi Solonbala, (40 000 rubllik) va 1982-84 yillari Arxangelsk oblosti, Novodivinsk shahridagi Arxangelsk (45 000 rubllik) sellyuloza-qog‘oz ishlab chiqarish kombinatlari bilan va 1985-90 yillarda Toshkent chinni zavodi bilan (60 000 rubllik) xо‘jalik shartnomalari tuzib, ilmiy laboratoriya tashkil etib ilmiy tadqiqodlarni olib borildi.

Ilmiy tadqiqot ishlarining natijalari О‘zbekistonda, Rossiyada va Italiyaning Albissola shaxridagi “Piral” firmasida о‘tkazilgan tajriba-sinov bо‘yicha ishlab chiqarilgan, yuqori sifatli, yupqa devorli chinni va sopol buyumlari Toshkent, Moskva, Praga, Xelsinki, Budapesht, Sofiya, Anqara, Varshava, Tokio, Rim, Seul shaharlaridagi simpozium, anjuman va kо‘rgazmalarda munosib baholandi. Yaratilgan ishlanmalar katta iqtisodiy samara bilan Toshkent chinni zavodida amaliyotga tatbiq etildi.

Kafedra mudiri sifatida kafedraning о‘quv, moddiy-texnik va laboratoriya bazasini mustahkamlash, о‘quv jarayoniga о‘qitishning zamonaviy metodlarni (yangi pedagogik texnologiyalar, о‘quv jarayonini kompyuterlashtirish, innovitsion texnologiyalardan foydalanish) joriy etilishiga katta ahamiyat berdi. 2005-2006 yildan “kimyo-ekologiya”, 2010-2011 yildan “kimyo” va 2011-2012 о‘quv yildan “kimyo о‘qitish metodikasi” akalavriat yо‘nalishi ochilishi bilan, bu yо‘nalishlarga DTS, fan dasturlari, о‘quv rejalar va ular asosida ishchi fan dasturlari, ishchi о‘quv rejalari yaratishda faol ishtirok etdi. Shuningdek bakalavriat yо‘nalishlarda va magistratura mutaxassisliklarga kafedra professor о‘qituvchilar tamonidan о‘qitiladigan 30 dan ortiq fanlardan ma’ruza matnlarini va fan majmualarini yaratishga chuqur yondashildi. Uning rahbarligida kafedraning barcha professor о‘qituvchilari hamma faoliyati о‘quv – tarbiyaviy jarayonni yuqori darajaga olib chiqish va sifatli yuqori toifali mutaxassislar tayyorlashga qaratildi.

Shu vaqtda, О‘zbekiston respublikasi Fanlar akademiyasi ilmiy-tadqiqot institutlari, О‘zbekiston Milliy universiteti, Samarqand, Xorazm, Buxoro, Termiz, Qarshi davlat universitetlari, Jizzax, Navoiy, Qо‘qon, Toshkent viloyati, Nukus pedagogika institutlari, umumta’lim maktablari, akademik litseylar va kasb-hunar kollejlari bilan ilmiy-pedagogik aloqalarni mustahkamladi.

Olim о‘z ish tajribasi va ilmiy saloxiyatini kо‘plab magistrant va talaba yoshlarni ilmiy va ma’naviy yuksaltirishga bag‘ishlamoqda. Uning ilmiy raxbarligida 2 ta katta ilmiy xodim-izlanuvchi va magistrlar, kо‘plab bitiruvchi kurs talabalari zamonaviy ta’lim texnologiyalarini amaliyotga joriy qilish masalalari bо‘yicha ilmiy tadqiqot ishlarini olib bormoqda.

Shavkat Mirkamilovning raxbarligida 2 ta nomzodlik dissertatsiyasi, 20 ta magistrant dissertatsiyalarini va 120 dan ortiq talaba bakalavrlik bitiruv malakaviy ishlarini tayyorlagan. Ulkan xayotiy tajriba va ilmiy-pedagogik salohiyatga ega bо‘lgan olim hozirgi kunda respublika Prezidenti tomonidan ilgari surilgan bir qator meyoriy hujjatlarda о‘z aksini topgan zamonaviy texnologiyalardan xabardor, jamiyatda sodir bо‘layotgan о‘zgarishlarni tez ilg‘ab oladigan, kasbiy raqobatga chidamli bо‘lgan pedagogik va ilmiy kadrlarni tayyorlash ishiga munosib hissa qо‘shmoqda.

Universitet kasaba uyushmasi

29 dekabr 2016 yil, O`qilgan:778



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :


Bizning loyihalar