|   library.tdpu.uz   |   majmua.tdpu.uz   |   eDarslik.tdpu.uz   |   asofaviy ta`lim   |   Pedagog   |   Ota-onalar uchun   |   Kirish   |      


Universitet Kengashi oliy kollegial organ bo`lib, barcha yo‘nalishdagi faoliyatini muvofiqlashtirib boradi. Dolzarb vazifalarni tezkor va sifatli hal qilish bo`yicha qarorlar qabul qiladi. Universitet rektori Kengash raisi sanaladi. Kengash tarkibida prorektorlar, dekanlar, universitetning yetuk professor-o‘qituvchilari, jamoat tashklotlari yetakchilari faoliyat ko‘rsatadi.


University Council

Universitet Kengashi o‘z faoliyatini O‘zbekiston Respublikasi Oliy va o‘rta maxsus ta’lim vazirligining 1998 yil 9 dekabrdagi 345-sonli buyrug‘i bilan tasdiqlangan «Oliy o‘quv yurtining Ilmiy kengashi to‘g‘risida Nizom» asosida ishlab chiqilgan, Kengashning 2013 yil 24 iyundagi 14.3.1-sonli qarori bilan tasdiqlangan yangi tahrirdagi “Nizomiy nomidagi TDPU Kengashi Nizomi” asosida amalga oshiradi.

Universitet jamoasining Kadrlar tayyorlash Milliy dasturini amalga oshirish, zamonaviy pedagogik texnologiya va axborot-kommunikatsiya texnologiyalarini keng joriy qilish asosida yuqori malakali, raqobatbardosh kadrlar tayyorlashni ta’minlash, ilmiy tadqiqotlarni yanada rivojlantirish, yoshlarda vatanparvarlik, fuqarolik, o‘z Vatani bilan faxrlanish kabi ma’naviy-ma’rifiy va madaniy fazilatlarni shakllantirish kabi vazifalarni hal qilishga qaratilgan sa’y-harakatlarini muvofiqlashtirish universitet Kengashining asosiy vazifasi hisoblanadi.

Uzoq yillar mobaynida universitet Kengashi nafaqat universitet hayoti, balki respublikamiz pedagogika fani, ta’lim va tarbiya tizimining rivoji bilan bog‘liq dolzarb masalalarni muhokama qilib, muammolar yechimiga qaratilgan tavsiyalar ishlab chiqish bilan shug‘ullanib keldi.

Universitet (sobiq institut) rektori va ayni paytda Kengash raisi sifatida turli yillarda A.Zargarov (1935), P.S.Kassin (1936-1937), X.Zayniddinov (1937-1938), A.Usmonov (1939-1940), N.Karimov (1940-1943), T.Alimova (1943-1946), A.Islomov (1946-1951), Sh.Abdullaev (1951-1971), Z.R.Nuriddinov (1971-1976), X.T.Tursunov (1976-1979), S.P.Tursunmuhamedov (1979-1983), F.A.Abdurahmonov (1983-1988), K.Yu.Yusupov (1988-1990, 1991-1994), M.Zoidov (1990-1991), D.N.Faniev (1991), B.F.Qodirov (1994-2006), G‘.I.Muxamedov (2006-2007), U.Begimqulov (2007-2009), F.I.Haydarov (2009-2011), U.I.Inoyatov (2011-2013) faoliyat ko‘rsatdi.

2013 yildan mazkur lavozimlarda pedagogika fanlari doktori Sh.S.Sharipov faoliyat yuritib kelmoqda.

Mustaqillik yillarida universitet Kengashi kotibi sifatida N.N.Azizjodjaeva, M.E.Haydarov, Sh.M.Avezov, Z.M.Mirholiqov kabi taniqli mutaxassislar faoliyat olib bordi.

Bugungi kunda Kengash tarkibi 43 kishidan iborat bo‘lib, unda 11 nafar fan doktori; 25 nafar fan nomzodi; 7 nafar ilmiy daraja va unvonga ega bo‘lmagan xodim faoliyat ko‘rsatmoqda.

Universitet jamoasiga rahbarlik nuqtai nazaridan Kengash tarkibi quyidagicha: rektor; prorektorlar; dekanlar; universitet professor-o‘qituvchilar kasaba uyushmasi raisi; universitet talabalar kasaba uyushmasi raisi; Xotin-qizlar kengashi raisi; mutaxassis chiqaruvchi kafedra mudirlari; boshqa xodimlar, TDPU qoshidagi akademik litseylar direktorlari, «Kamolot» yoshlar ijtimoiy harakati boshlang‘ich tashkiloti yetakchisi.

Shuningdek, universitet Kengashi tarkibida buyurtmachilar vakillari O‘MKHTM kadrlar boshqarmasi boshlig‘i J.Tursagatov, OO‘MTV Oliy ta’lim muassasalari bosh boshqarmasining kadrlarni maqsadli tayyorlash va ishga taqsimlash bo‘limi boshlig‘i Sh.Avazov, XTV ilmiy-tadqiqot faoliyatini muvofiqlashtirish bo‘limi boshlig‘i I.Ismatov faoliyat ko‘rsatmoqda.

Kengash ish rejasiga O‘zbekiston Respublikasi Prezidentining farmonlari, qarorlari, Vazirlar Mahkamasi qarorlari, Oliy va o‘rta maxsus ta’lim vazirligi Hay’at qarorlari va buyruqlarining universitetdagi ijrosi, o‘quv-tarbiyaviy, ilmiy-tadqiqot ishlarining samaradorligini oshirish, talabalar bilan ma’naviy-ma’rifiy ishlarni tashkil etish, ularni har tomonlama kamolga yetgan, barkamol insonlar qilib tarbiyalashdan iborat bo‘lgan dolzarb masalalar kiritiladi.

Bugungi kunda Kengash kotibiyati Oliy va o‘rta maxsus ta’lim vazirligi Hay’ati qarorlari, universitet Kengashi qarorlarini ijro etish sifati va samaradorligini yaxshilash, universitetda chop etilayotgan o‘quv va ilmiy adabiyotlarni sifatli taqrizlash va ekspertizadan o‘tkazish, Kengash yig‘ilishlari kun tartibiga kiritilgan masalalarni har tomonlama puxta o‘rganilishiga erishish maqsadida turli tashkiliy choralarni ishlab chiqib, amaliyotga tatbiq qilmoqda.

24 October 2015 , Read:7342

Kengashning vazifalari

27 October 2016

Feed back

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Name:

E-mail:

Your comment :
Antibot :


  • Question

    What is Gerund?

    Answer: Finite-form of the verb

Latest news

Links




Ðåéòèíã ÂÓÇîâ




Bizning loyihalar




        
2017-03-26 06:41:00