library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

XXI asrda pedagog kadrlarga bo’lgan talablarni to’g’ri tushunamiz va barcha harakatlarimizni uning eng ilg’or jihatlarini ma`naviy qadriyat sifatida saqlab qolishga, uni davrga mos ravishda takomillashtirishga tayyormiz.



Universitet rektori
Pedagogika fanlari doktori
Sharipov Shavkat Safarovich


Bog`lanish uchun
Telefon: 276-79-11
Email: rektor@tdpu.uz

Nizomiy nomidagi Toshkent davlat pedagogika universiteti respublikamizdagi yirik ilmiy-ma`rifiy markazlardan biri bo’lib, o’z boy tarixi va shakllangan ijobiy an`analariga ega. Universitetning yuqori malakali ilmiy-pedagoglar jamoasi talabalarga sifatli bilimlar berishmoqda. O’quv binolari, laboratoriyalar, axborot resurs markazi, elektron biblioteka, axborot texnologiyalari markazi, tipografiya, sport kompleksi, muzey, malaka oshirish va qayta tayyorlash markazlari, o’quv-sog’lomlashtirish lageri, talabalar turar joylari va oshxonalar talabalar va professor-o’qituvchilar ixtiyorida.


Universitet tarixidan


Nizomiy nomidagi TDPI 1935 yilda tashkil etilgan bo’lib, 1998 yilda unga universitet maqomi berildi va kasb-hunar ta`limi tizimi uchun pedagog kadrlar tayyorlovchi tayanch oliy o’quv yurti deb belgilandi.
Tashkil etilgan dastlabki yillardanoq u mintaqamizdagi yirik fan va ta`lim markaziga aylandi. Bu dargohda ko’plab ilmiy yo’nalishlar va ilmiy maktablar shakllandi. O’tgan davr ichida mazkur ta`lim maskanida 200 mingdan ziyod ilmiy-pedagog kadrlar tayyorlandi. Bitiruvchilar orasidan YA.G’ulomov, SH.Abdullayev, Z.Nuriddinov, Xamid G’ulom, Shuhrat, Mirmuhsin, Shukrullo, Zulfiya, Said Axmad, R.Choriyev kabi ko’plab fan va davlat arboblari, san`at va adabiyot namoyondalarining Yetishib chiqqanligi alohida e`tiborga loyiqdir.
TDPI va uning fakultetlari chet tillar, jismoniy tarbiya, rus tili va adabiyoti, madaniyat institutlarining tashkil etilishida tayanch ta`lim muassasasi sifatida xizmat qildi.


Universitet bugun


Hozirda universitetda 8 ta fakultet va 32 ta kafedra mavjud bo’lib, bakalavriatning 31 ta yo’nalishi va magistraturaning 29 ta yo’nalishi bo’yicha mutaxassislar hamda KIXIIning 10 ta ilmiy yo’nalishi bo’yicha fan doktorlari tayyorlanmoqda, oliy ta`lim va kasb-hunar ta`limi tizimlari uchun malaka oshirish va qayta tayyorlash markazlari faoliyat ko’rsatmoqda. Mazkur mutaxassisliklar bo’yicha 4000 da ortiq ga yaqin talabalar va tinglovchilar tahsil oladilar. Bu jarayonda zamonaviy pedagogik ta`limning ko’plab sohalari qamrab olingan.
Universitetda faoliyat ko’rsatayotgan 450 dan ortiq professor-o’qituvchilarning 55 nafari fan doktorlari, 265 nafari esa fan nomzodlaridir. Ular tomonidan DITD doirasidagi 21 ta loyiha va 1 ta xalqaro TEMPUS loyihasi bajarilmoqda. Talabalarimizdan 1 nafari O’zbekiston Respublikasi Prezidenti stipendiyasi sohibi, 4 nafari nomli Davlat stipendiyalari sohiblari, 13 nafari esa respublika fan olimpiadasi g’oliblari hisoblanadi.
Universitet yosh olimlar kengashining faoliyati iqtidorli yoshlarni topish, ularning salohiyatini rivojlantirish va kelgusida yuqori malakali kadrlarni tayyorlashga qaratilgan.
Hozirda fan va ta`lim tizimida amalga oshirilayotgan isloxotlarning ijrosini ta`minlashga qaratilgan tizimli tadbirlar amalga oshirilmoqda. Bu tadbirlar professor – o’qituvchilar, ilmiy – tadqiqotchilar, magistrlar va talabalarning ilmiy – ijodiy faolligini oshirishga, ta`lim mazmunini ko’tarishga qaratilgan bo’lib ilmiy seminarlar va konferentsiyalar faoliyatini tubdan yaxshilash,ilmiy loyihalarning sifatli bajarilishiga erishishni nazarda tutadi.



Universitetning istiqbol rejasi haqida


Universitet uzluksiz ta`lim tizimidagi islohotlarning faol ijrochisi bo’libgina qolmay, respublikadagi pedagogik ta`lim va ilm sohasida Yetakchilik rolini bajarmoqda. Universitet huzurida fan doktori ilmiy darajasini beruvchi ilmiy kengash faoliyat ko’rsatmoqda.
Universitetda fan va ta`limni rivojlantirishga qaratilgan ba`zi tadbirlarni ko’rsatib o’tamiz:
- Universitetda fan, ta`lim va ishlab chiqarish integratsiyasiga erishish, ilmiy faoliyat infrastrukturasini rivojlantirish;
- Universitet reytingini ko’tarish bo’yicha tizimli tadbirlarni amalga oshirish;
- Davlat maqsadli dasturlari va ilmiy loyihalar bajarish tizimini rivojlantirish;
- Xalqaro hamkorlikni rivojlantirish va xorijiy loyihalar bajarish;
- Magistratura ta`limini rivojlantirish.
- Professor-o’qituvchilar va talabalarning chet tillarini mukammal o’zlashtirishlari, ilg’or axborot va kommunikatsion texnologiyalarni egallashlariga erishish.


Bizning loyihalar

        

So`nggi yangiliklar