library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

Kadrlar tayyorlash milliy dasturining asosiy g’oyasi uzluksiz ta’limning milliy modelini yaratish bo’lib, unga ko’ra yoshlarga o’z oilasidan uzilmagan holda ta’lim olish va kasbiy tayyorgarlikka ega bo’lish uchun keng tanlovni taqdim etadigan, mutlaqo yangi ta’lim turi - o’rta maхsus, kasb-hunar ta’limi (O’MKHT) joriy etildi. Undagi mutaхassislik yo’nalishlarini mamlakat iqtisodiy rivojlanishi, hududlar infratuzilmasi va mehnat bozori ehtiyojlarini hisobga olgan tarzda yangilab borish nazarda tutilgan.

O’qish muddati uch yil bo’lgan majburiy o’rta maхsus, kasb-hunar ta’limi uzluksiz ta’lim tizimidagi mustaqil tur hisoblanadi va O’zbekiston Respublikasining «Ta’lim to’g’risida»gi qonun, «Kadrlar tayyorlash milliy dasturi»ga muvofiq umumiy o’rta ta’lim negizida, akademik litsey yoki kasb-hunar kolleji ta’lim yo’nalishini iхtiyoriy tanlash asosida amalga oshiriladi.

Avvalgi ta’lim tizimida 11-sinf bitiruvchilari biror bir kasbni egallamaganligi, o’z imkoniyatlarini ishga solish, ijtimoiy moslashuv qobiliyatiga ega emasligi oqibatida mustaqil hayotini tashkil qilishga ojiz bo’lgan bo’lsa, hozirda o’rta maхsus, kasb-hunar ta’limini olgan yoshlar ijtimoiy himoyasi davlat tomonidan ta’minlanmoqda. O’g’il-qizlar bir yoki bir-necha kasbni egallagan holda mustaqil hayotga dadil, ishoch bilan qadam qo’yib, o’z tanlagan yo’nalishi bo’yicha tahsil olishni ta’limning navbatdagi bosqichida davom ettirish imkoniyatiga ham ega bo’lmoqdalar.

O’zbekiston Respublikasi Prezidentining “Malakali pedagog kadrlar tayyorlash hamda o’rta maxsus, kasb-hunar ta`limi muassasalarini shunday kadrlar bilan ta`minlash tizimini yanada takomillashtirishga oid chora-tadbirlar to’g’risida” 2012 yil 28 maydagi PQ–1761-son qarori ijrosini ta`minlash maqsadida Nizomiy nomidagi TDPU bazasida akademik litsey va kasb-hunar kollejlarida o’quv jarayonini zamon talablari darajasida tashkil etilishiga amaliy yordam ko’rsatish, ta`lim tizimida uzviylikni ta`minlash bo’yichaakademik litsey va kasb-hunar kollejlari bilan hamkorlik bo’limi tashkil qilinib, uning faoliyati universitet Ilmiy Kengashi Qarori bilan tasdiqlangan “Nizom”, “Dastur” va universitetning “Akademik litsey va kasb-hunar kollejlariga ilmiy va amaliy o’quv-uslubiy yordam ko’rsatish” istiqbol rejasi, yillik o’quv rejalari asosida amalga oshirib kelinmoqda.

Universitet professor-o’qituvchilarini maktabgacha, umumiy o’rta va o’rta maxsus, kasb-hunar ta’limi tizimi uchun o’quv adabiyotlarini yaratish bo’yicha o’tkaziladigan tanlovlar to’g’risidagi ma’lumotlar bilan ta’minlandi, tender g’olibi sifatida aniqlangan mualliflar tomonidan adabiyotlarning muddatida yaratilishi uchun amaliy yordam ko’rsatildi. 2016-2017 o’quv yilida universitet professor-o’qituvchilari tomonidan maktabgacha, umumiy o’rta va o’rta maxsus, kasb-hunar ta’limi tizimi uchun o’quv adabiyotlarning o’z muddatida yaratilishi ta’minlandi. Jumladan, darslik-7 ta, o’quv qo’llanma-26 ta, uslubiy qo’llanma-22 tani tashkil etadi.

O‘zbekiston Respublikasi Prezidentining 2017 yil 14 martdagi “O‘rta maxsus, kasb-hunar ta’limi muassasalari faoliyatini yanada takomillashtirish chora-tadbirlari to‘g‘risida”gi PQ-2829-son qarori bo‘yicha Oliy va o‘rta maxsus ta’lim vazirligining 2017 yil 11 apreldagi 206-son buyrug‘i ijrosini ta’minlash maqsadida universitet qoshidagi akademik litseydagi ta’lim-tarbiya jarayonini mazmunini takomillashtirishga qaratilgan universitetning kompleks chora-tadbirlar rejasi ishlab chiqildi.

O’zbekiston Respublikasi Oliy va o’rta maxsus ta`lim vazirligining 2017 yil 18 apreldagi 87-02-1216 sonli modemnomasiga ko‘ra Toshkent pedagogika kolleji, Chilonzor pedagogika kolleji,Toshkent ixtisoslashtirilgan xotin-qizlar kolleji, Nizomiy nomidagi TDPU qoshidagi akademik litsey biriktirilgan bo‘lib,ularga amaliy va uslubiy yordam ko‘rsatish, universitetning professor-o‘qituvchilarini ilmiy-pedagogik salohiyati va tajribalaridan samarali foydalanib, o‘qitishning ilg‘or metodlarini ta’lim jarayoniga tadbiq etib, o‘quvchilarning ilm-fan va badiiy adabiyot o‘qishga bo‘lgan qiziqishini kuchaytirish orqali davomatni yuqori ko‘rsatkichlari hamda ma’naviy – ma’rifiy tadbirlarning natijadorligi ta’minlash vazifalari belgilangan.Universitet professor-o‘qituvchilari belgilangan vazifalarni sitqi dildan bajarib kelmoqdalar.

Hamkorlikdagi o’rta maxsus, kasb-hunar ta`limi muassasalari o’quvchilarini bakalavriat ta`lim yo’nalishlariga kasbga yo’llash hamda abituriyentlarni maqsadli tayyorlash ishlarini tashkil etish maqsadida universitet qoshidagi akademik litseyda “Abituriyent shtabi” tuzilib, abituriyentlarni OTMlarga maqsadli tayyorlash, ochiq eshiklar kuni va universitet haftaliklarini o’tkazish kabi ishlar amalga oshirilmoqda.

O’zbekiston Respublikasi Xalq ta`limi vazirligi tashabbusi bilan umumiy o’rta ta`lim fanlari bo’yicha Toshkent viloyati hamda Toshkent shahridagi umumiy o‘rta talim maktablari o‘qituvchilari uchun universitet professor –o‘qituvchilari, Respublika ta`lim markazi, Toshkent viloyati pedagoglarni qayta tayyorlash va malakasini oshirish institutlari hamkorligida “Mahorat maktablari” shakllantirilgan bo‘lib, Ilmiy-metodik qo’llab-quvvatlash bo’yicha 42 nafar o’qituvchi-trenerlardan iborat ishchi guruhi o‘z faoliyatini olib bormoqda.

Toshkent shahar va Respublikamizning barcha viloyat boshqarmalari bilan aloqa o’rnatgan holda ta`lim muassasalarining ta`lim yo’nalishlari bo’yicha pedagog kadrlarga bo’lgan ehtiyojni aniqlash bo’yicha ko’rsatkichlar muntazam ravishda olib boriladi.

O’zbekiston Respublikasi Vazirlar Mahkamasining “O’rta maxsus, kasb-hunar ta`limi muassasalari rahbar va pedagog kadrlarining malakasini oshirish va ularni qayta tayyorlash tizimini yanada takomillashtirishga doir chora – tadbirlar to’g’risida” 2012 yil 10 avgustdagi 242-son qarori ijrosini ta`minlash maqsadida universitet bazasida Oliy va o’rta maxsus ta`lim vazirligi, O’rta maxsus, kasb-hunar ta`limi markazi tomonidan tasdiqlangan rejaga ko’ra, Respublikamizning turli hududlaridano’rta maxsus, kasb-hunar ta`limi muassasalarining o’qituvchilari uchun umuta`lim, pedagogika va psixologiya fanlaridan malaka oshirish hamda pedagogik qayta tayyorlash kurslari tashkil qilingan.









Raxbariyat








Akademik litsey va kasb-hunar kollejlari
bilan ishlash bo`yicha prorektor

Gulyamov Komiljon Maxmudovich

Bog`lanish uchun
Telefon: 276-76-30
Email: gulyamov.komiljon@yandex.com








Bizning loyihalar

        

So`nggi yangiliklar