library.tdpu.uz     majmua.tdpu.uz     eDarslik.tdpu.uz     asofaviy ta`lim     Pedagog     Ota-onalar uchun     Kirish          

24 oktyabr 2015 yil, 10,735
.

Akademik litsey va kasb-hunar kollejlari bilan hamkorlik

Kadrlar tayyorlash milliy dasturining asosiy g‘oyasi uzluksiz ta’limning milliy modelini yaratish bo‘lib, unga ko‘ra yoshlarga o‘z oilasidan uzilmagan holda ta’lim olish va kasbiy tayyorgarlikka ega bo‘lish uchun keng tanlovni taqdim etadigan, mutlaqo yangi ta’lim turi - o‘rta maxsus, kasb-hunar ta’limi (O‘MKHT) joriy etildi. Undagi mutaxassislik yo‘nalishlarini mamlakat iqtisodiy rivojlanishi, hududlar infratuzilmasi va mehnat bozori ehtiyojlarini hisobga olgan tarzda yangilab borish nazarda tutilgan.



Kadrlar tayyorlash milliy dasturining asosiy g‘oyasi uzluksiz ta’limning milliy modelini yaratish bo‘lib, unga ko‘ra yoshlarga o‘z oilasidan uzilmagan holda ta’lim olish va kasbiy tayyorgarlikka ega bo‘lish uchun keng tanlovni taqdim etadigan, mutlaqo yangi ta’lim turi – o‘rta maxsus, kasb-hunar ta’limi (O‘MKHT) joriy etildi. Undagi mutaxassislik yo‘nalishlarini mamlakat iqtisodiy rivojlanishi, hududlar infratuzilmasi va mehnat bozori ehtiyojlarini hisobga olgan tarzda yangilab boorish nazarda tutilgan.

O‘qish muddati uch yil bo‘lgan majburiy o‘rta maxsus, kasb-hunar ta’limi uzluksiz ta’lim tizimidagi mustaqil tur hisoblanadi va O‘zbekiston Respublikasining «Ta’lim to‘g‘risida»gi Qonun, «Kadrlar tayyorlash milliy dasturi»ga muvofiq umumiy o‘rta ta’lim negizida, akademik litsey yoki kasb-hunar kolleji ta’lim yo‘nalishini ixtiyoriy tanlash asosida amalga oshiriladi.

Avvalgi ta’lim tizimida 11-sinf bitiruvchilari biror bir kasbni egallamaganligi, o‘z imkoniyatlarini ishga solish, ijtimoiy moslashuv qobiliyatiga ega emasligi oqibatida mustaqil hayotini tashkil qilishga ojiz bo‘lgan bo‘lsa, hozirda o‘rta maxsus, kasb-hunar ta’limini olgan yoshlar ijtimoiy himoyasi davlat tomonidan ta’minlanmoqda. O‘g‘il-qizlar bir yoki bir-nechta kasbni egallagan holda mustaqil hayotga dadil, ishoch bilan qadam qo‘ymoqda, shuningdek, o‘z tanlagan yo‘nalishi bo‘yicha tahsilni ta’limning navbatdagi bosqichida davom ettirish imkoniyatiga ham ega bo‘lishmoqda.

O‘zbekiston Respublikasi Prezidentining «Malakali pedagog kadrlar tayyorlash hamda o‘rta maxsus, kasb-hunar ta’limi muassasalarini shunday kadrlar bilan ta’minlash tizimini yanada takomillashtirishga oid chora-tadbirlar to‘g‘risida» 2012 yil 28 maydagi PQ–1761-son qarori ijrosin ta’minlash maqsadida Nizomiy nomidagi TDPU bazasida akademik litsey va kasb-hunar kollejlarida o‘quv jarayonini zamon talablari darajasida tashkil etilishiga amaliy yordam ko‘rsatish, ta’lim tizimida uzviylikni ta’minlash bo‘yicha akademik litsey va kasb-hunar kollejlari bilan hamkorlik bo‘limi tashkil qilinib, uning faoliyati universitet Ilmiy Kengashi Qarori bilan tasdiqlangan “Nizom”, “Dastur” va universitetning “Akademik litsey va kasb-hunar kollejlariga ilmiy-amaliy va o‘quv-uslubiy yordam ko‘rsatish” istiqbol rejasi, yillik o‘quv rejalari asosida amalga oshirilmoqda.

Hozirgi vaqtda universitet kafedralari tomonidan ta’lim muassasalari bilan 3 yil muddatga mo‘ljallangan 200 dan ortiq hamkorlik shartnomalari imzolangan. SHundan 164 tasi kasb-hunar kollejlari, 24 tasi akademik litseylar va 12 tasi umumiy o‘rta ta’lim maktablari, 4 ta maktabgacha ta’lim muassasalari bilan hamkorlik aloqalari yo‘lga qo‘yilgan.

Shartnoma shartlari universitetimizning tegishli kafedralari mutasaddilari tomonidan o’z vaqtida bajarib kelinmoqda. Xususan, shartnomada nazarda tutilgan o’quv-uslubiy, ma`naviy-ma`rifiy, ilmiy-amaliy va tashkiliy-metodik ishlar belgilangan reja asosida amalga oshirilmoqda. Kasb-hunar kollejlari va akademik litsey o’quvchilarining shaxsiy, ijtimoiy kelib chiqishi, dunyo qarashi, ma`naviy qiyofasini o’rganish maqsadida anketa so’rovnomalar o’tkaziladi.

O‘rta maxsus kasb-hunar ta’limi muassasalari bilan hamkorlikni takomillashtirish maqsadida Toshkent shahri va Toshkent viloyati o‘rta maxsus, kasb-hunar ta’limi muassasalarida 48 ta kafedra filiallari tashkil etilgan bo‘lib, kafedra filiallariga universitetning tajribali professor-o‘qituvchilaridan filial mudirlari tayinlangan.

Songi yillar mobaynida universitet kafedralari tomonidan o’rta maxsus, kasb-hunar ta`limi muassasalari uchun 100 dan ortiq nomda darslik va o’quv qo’llanmalar nashr qilingan.

Kasb-hunar kollejlari va akademik litseylar o’quv rejalaridagi umumta`lim fanlari bo’yicha ilg’or pedagogik texnologiyalardan foydalanishga hamda kasbiy sohalariga yo’naltirib o’qitish metodikalariga asoslangan 23 nomdagi qo’llanmalar va o’quv metodik majmualar universitet professor-o’qituvchilari tomonidan nashrga tayyorlandi. Qo’llanma va majmualar Toshkent shahri, Toshkent va Jizzax viloyatlari o’rta maxsus, kasb-hunar ta`limi muassasalari o’qituvchilari bilan hamkorlikda aprobatsiyadan o’tkazildi.

O’zbekiston Respublikasi Oliy va o’rta maxsus ta`lim vazirligining 2013 yil 22 iyundagi “O’rta maxsus, kasb-hunar ta`lim muassasalari pedagog kadrlari uchun ta`lim jarayoniga ilg’or pedagogik va axborot kommunikatsiya texnologiyalarini joriy etish” mavzusida ko’chma seminar-treninglar tashkil etildi. Universitetning 15 nafar professor-o’qituvchilari ushbu tadbirga jalb etilib faol ishtiroki ta`minlandi. O’zbekiston Respublikasi Oliy va o’rta maxsus ta`lim vazirligining 2013 yil 26 dekabrdagi yakuniy hisobot seminarida universitet professor-o’qituvchilarining faoliyati yuqori baholandi.

Ayni paytda kasb-hunar kolleji o’quvchilarini universitet hayoti, fakultet va kafedralar bilan yaqindan tanishtirish maqsadida ochiq eshiklar kuni va universitet haftaliklarini tashkil etib kelinmoqda.

Akademik litsey o’quvchilari “Ochiq eshiklar kuni” tadbirlarida va universitet haftaliklarida universitet hayoti, fakultet va kafedralar bilan yaqindan tanishib boradilar. Universitetning “Psixologiya”, “Pedagogika va umumiy psixologiya” kafedra professor-o’qituvchilari tomonidan bitiruvchi guruh o’quvchilarini oliy ta`lim muassasasining bakalavriat yo’nalishlariga aniq va maqsadli tayyorlash maqsadida kasbiy psixologik-pedagogik tashxisishlari olib boriladi.

Hozirgi vaqtda universitet hamkorlik doirasida Toshkent shahri va Toshkent viloyatining 24 ta akademik litseylari bilan 3 yil muddatga mo’ljallangan hamkorlik shartnomalari tuzilgan. Shartnoma shartlari universitetimizning tegishli kafedralari mutasaddilari tomonidan o’z vaqtida bajarib kelinmoqda. Xususan, shartnomada nazarda tutilgan o’quv-uslubiy, ma`naviy-ma`rifiy, ilmiy-amaliy va tashkiliy-metodik ishlar belgilangan reja asosid aamalga oshirilmoqda. Litsey o’quvchilarining shaxsiy, ijtimoiy kelib chiqishi, dunyo qarashi, ma`naviy qiyofasini o’rganish maqsadida anketa so’rovnomalar o’tkaziladi.

O’quv yili davomida universitetda faoliyat yuritayotgan darslik mualliflari, olimlar va yosh tadqiqotchilar tomonidan uchrashuvlar, akademik litsey ma`muriyati va guruh rahbarlari, ota-onalar qo’mitasi bilan hamkorlikda bitiruvchilar bilan kasb tanlash haqida o’zaro suhbatlar, “Mening kelajagim” mavzusida psixologik test, “Kelajak yoshlar qo’lida” mavzusida davra suhbatlari uyushtirib kelinmoqda.

O‘zbekiston Respublikasi Prezidentining 2017 yil 14 martdagi “O‘rta maxsus, kasb-hunar ta’limi muassasalari faoliyatini yanada takomillashtirish chora-tadbirlari to‘g‘risida”gi PQ-2829-son qarori bo‘yicha Oliy va o‘rta maxsus ta’lim vazirligining 2017 yil 11 apreldagi 206-son buyrug‘i ijrosini ta’minlash maqsadida universitet qoshidagi akademik litseydagi ta’lim-tarbiya jarayonini mazmunini takomillashtirishga qaratilgan universitetning kompleks chora-tadbirlar rejasi ishlab chiqildi.

O’zbekiston Respublikasi Oliy va o’rta maxsus ta`lim vazirligining 2017 yil 18 apreldagi 87-02-1216 sonli modemnomasiga ko‘ra Toshkent pedagogika kolleji, Chilonzor pedagogika kolleji,Toshkent ixtisoslashtirilgan xotin-qizlar kolleji, Nizomiy nomidagi TDPU qoshidagi akademik litsey biriktirilgan bo‘lib,ularga amaliy va uslubiy yordam ko‘rsatish, universitetning professor-o‘qituvchilarini ilmiy-pedagogik salohiyati va tajribalaridan samarali foydalanib, o‘qitishning ilg‘or metodlarini ta’lim jarayoniga tadbiq etib, o‘quvchilarning ilm-fan va badiiy adabiyot o‘qishga bo‘lgan qiziqishini kuchaytirish orqali davomatni yuqori ko‘rsatkichlari hamda ma’naviy – ma’rifiy tadbirlarning natijadorligi ta’minlash vazifalari belgilangan.Universitet professor-o‘qituvchilari belgilangan vazifalarni sitqi dildan bajarib kelmoqdalar.

Kasb-hunar kollejlari va akademik litsey o’qituvchilarining o’z ustilarida samarali ishlashlari, o’quvchilarining universitetda o’tkaziladigan konferentsiyalarda, uchrashuvlarda, turli ma`naviy-ma`rifiy tadbirlarda ishtirok etishlari hamda o’z ustilarida ishlashlari uchun universitetda Koreya bilan hamkorlikda ochilgan “KARMAT” dasturi asosida ishlovchi elektron kutubxonadan unumli foydalanishlari uchun barcha sharoitlar yaratilgan.

24 oktyabr 2015 yil, O`qilgan:10735



Xabar qoldirish

Agar Sizda universitetimiz faoliyati bo`yicha masalalar/muammolar,
ariza, shikoyat yoki takliflar bo`lsa
virtual qabulxona
orqali qoldirishingiz mumkin

Ushbu sahifa bo`yicha fikringizni esa quyida qoldirishingiz mumkin



Ismi sharifingiz:

E-mail:

Fikringiz :
Ximoya kodini kiriting :

Falsafa kafedrasi AL va KXK bilan hamkorlik ishlari bo‘yicha mas’ul katta o‘qituvchi Sh.A.Xolmatovaning TDPU akademik litseyida xamkorlik faoliyatidan lavhalar.

24 oktyabr 2015 yil


Bizning loyihalar

        

Akademik litsey va kasb-hunar kollejlari bilan hamkorlik